అమిగోస్ హీరోయిన్ ఆషికా రంగనాథ్ ఫ్యామిలీ బ్యాక్ గ్రౌండ్ ఏంటో తెలుసా ? 

నందమూరి కళ్యాణ్ రామ్ హీరోగా నటించిన తాజా చిత్రం అమిగోస్. ఈ సినిమా ఫిబ్రవరి 10న విడుదల అయింది. సినిమా విడుదల సందర్భంలో పెద్ద ఎత్తున ప్రమోషన్ కార్యక్రమాలను నిర్వహిస్తున్నారు. ఈ చిత్రంలో కళ్యాణ్ రామ్ మూడు విభిన్న పాత్రల్లో సందడి చేశారు. ఈ చిత్రంలో కళ్యాణ్ రామ్ సరసన ఆషికా రంగనాథ్ హీరోయిన్ పాత్రలో సందడి చేయబోతున్నారు. ఈ నేపథ్యంలో ఆషికా రంగనాథ్ ఎవరు తన ఫ్యామిలీ బ్యాక్ గ్రౌండ్ ఏంటి అనే విషయాల గురించి సోషల్ మీడియాలో తెగ సెర్చ్ చేస్తున్నారు. 

ఆషికా రంగనాథ్ కన్నడ ఇండస్ట్రీకి చెందిన నటి కావడం విశేషం. 2016లో కన్నడ సినీ పరిశ్రమలో తెరకెక్కిన ‘క్రేజీ బాయ్’ చిత్రం ద్వారా ఇండస్ట్రీకి పరిచయమైంది ఆషికా రంగనాథ్. ఈ చిత్రంలో దిలీప్ ప్రకాష్ హీరోగా నటించారు. ఈ సినిమా కన్నడ చిత్ర పరిశ్రమలోనే ఎంతో అద్భుతమైన విజయాన్ని అందుకుంది. ఇక ఆ తర్వాత పునీత్ రాజ్ కుమార్, శివరాజ్ కుమార్ వంటి స్టార్ హీరోల సరసన కూడా నటించింది. 2022లో అథర్వ హీరోగా నటించిన ‘పట్టాతు అరసన్’ అనే సినిమాతో తమిళంలో ఎంట్రీ ఇచ్చింది. కానీ తమిళంలో పెద్దగా సక్సెస్ కాలేక పోయింది ఆషికా రంగనాథ్. 

Also Read :   నిన్నే పెళ్లాడతా సినిమా క్లైమాక్స్ వెనక ఇంత పెద్ద కథ ఉందా ?

తొలిసారిగా ఈమె కళ్యాణ్ రామ్ సినిమా ద్వారా తెలుగు ప్రేక్షకుల ముందుకు వచ్చింది. అమిగోస్ చిత్రంలో ఆషికా రంగనాథ్ అద్భుతమైన నటన కనబరిచింది. అదేవిధంగా ఈ సినిమా విజయం సాధిస్తుందనే నమ్మకంతో ఉంది. ఇక ఈమె ఫ్యామిలీ బ్యాక్ గ్రౌండ్ విషయానికొస్తే.. 1996 ఆగస్టు 5న రంగనాథ్, సుధ దంపతులకు బెంగుళూరు సమీపంలోని తుముకూరులో జన్మించారు. ఈమె అక్క అనూష రంగనాథ్ కూడా హీరోయిన్ గా తన అదృష్టాన్ని పరీక్షించుకుంటున్నారు. ఆషికా చదువు మొత్తం బెంగళూరులోనే పూర్తయింది. చదువు పూర్తయిన తర్వాత 2014 ‘మిస్ ఫ్రెష్ ఫేస్ బెంగళూరు’ గా ఎంపిక అయింది. చిన్నప్పటి నుంచి నటన, డాన్స్ అంటే ఈమెకు ఎంతో ఇష్టం. ఆ ఇష్టమే ఈమె ఇండస్ట్రీలోకి రావడానికి హీరోయిన్ కావడానికి ఉపయోగపడింది. 

Also Read :  హీరో సుమంత్ తో మంచు లక్ష్మి… డార్లింగ్ అంటూ పోస్ట్!