పెళ్లి పీటలెక్కిన పాక్ స్టార్ బౌలర్.. ఆ మాజీ క్రికెటర్ కూతురే పెళ్లి కూతురు..!

పాకిస్తాన్ యంగ్ పేసర్ షాహిన్ షా అప్రిదీ ఓ ఇంటి వాడు అయ్యాడు. మాజీ క్రికెటర్, ఆల్ రౌండర్ షాహిద్ అప్రిది కుమార్తె అన్షాతో కలిసి నిఖా చేసుకున్నాడు. కరాచీ నగరంలో వీరి వివాహ వేడుక జరిగింది. ఇరు కుటుంబ సభ్యులు, బంధువులు, సన్నిహితులతో పాటు పలువురు పాకిస్తాన్ క్రీడాకారులు హాజరయ్యారు. నూతన దంపతులకు శుభాకాంక్షలు, అభినందనలుతెలిపారు. పెళ్లి తరువాత గ్రాండ్ గా రిసెప్షన్ ఏర్పాటు చేసారు. పాక్ క్రికెట్ జట్టు కెప్టెన్ బాబర్ ఆజం, సర్పరాజ్ అహ్మద్, మహ్మద్ హఫీజ్, షాదాబ్ ఖాన్, మాజీ కోచ్ సక్లైన్ ముస్తాక్ తదితరులు హాజరయ్యారు.

అదేవిధంగా షాహీన్ పీఎస్ఎల్ జట్టు లాహోర్ ఖలందర్స్ జట్టు సభ్యులు శుభాకాంక్షలు తెలిపారు. షాహిన్-అన్షాల ఎంగేజ్ మెంట్ రెండేళ్ల కిందటే జరిగింది. అన్షా చదువులకు తోడు షాహిన్ క్రికెట్ షెడ్యూల్ లో బిజీగా ఉండడంతో పెళ్లి పీటలెక్కేందుకు ఈ సమయం పట్టింది. ప్రస్తుతం పాక్ కి ఎలాంటి ఇంటర్నేషనల్ మ్యాచ్ లు లేకపోవడంతో ఆదేశ క్రికెటర్లంతా విదేశీ క్రికెట్ లీగ్ లలో బిజీగా ఉన్నారు. మొన్నటి వరకు షాహీన్ ఆప్రిది కూడా బంగ్లాదేశ్ ప్రీమియర్ లీగ్ లో ఆడాడు. పెళ్లి కోసం స్వదేశానికి చేరుకున్నాడు. 

شاہین آفریدی، شاہد آفریدی کی بیٹی کے ساتھ رشتہ ازدواج میں منسلکhttps://t.co/2oCV2NAZGG#SamaaTV #ShaheenAfridi #AnshaAfridi #ShahidAfridi #Nikkah #Wedding pic.twitter.com/hXRoBY3kmJ

— SAMAA TV (@SAMAATV) February 3, 2023

ప్రస్తుతం షాహీన్-అన్షాల పెళ్లి ఫోటోలు సోషల్ మీడియాలో తెగ వైరల్ అవుతున్నాయి. తన సహచర క్రికెటర్లతో పాటు పలువురు నెటిజనలు కూడా నూతన దంపతులకు శుభాకాంక్షలు చెబుతున్నారు. 22 ఏళ్ల షాహీన్ షా అప్రిది ఇప్పటి వరకు పాక్ తరుపున 25 టెస్ట్ లలో 99 వికెట్లు తీశాడు. 32 వన్డేలలో 62 వికెట్లు నేలకూల్చాడు. అదేవిధంగా 47 టీ20 మ్యాచ్ లలో 58 వికెట్లు తీసి పాకిస్తాన్ విజయాల్లో కీలక పాత్ర పోషిస్తున్నాడు. పాకిస్తాన్ తరువాత సిరీస్ లో న్యూజిలాండ్ తో తలపడనుంది. స్వదేశంలో జరిగే ఈ సిరీస్ లో ఇరుజట్ల మధ్య 5 టీ-20లు, 5 వన్డేలు జరుగనున్నాయి.  

Also Read :  Joginder Sharma : వరల్డ్ కప్ హీరో రిటైర్మెంట్… ఎమోషనల్ పోస్ట్ చేస్తూ!