అడవి శేషు హీరోగా శైలేష్ కొలను దర్శకత్వంలో తెరకెక్కిన హిట్ 2 సినిమా రీసెంట్ గా విడుదలై ముందుకు వచ్చింది. ఈ సినిమాలో మీనాక్షి చౌదరి హీరోయిన్ గా నటించగా నాని ఈ చిత్రాన్ని నిర్మించారు. సినిమాలో తనికెళ్ల భరణి, కోమలి ప్రసాద్, రావు రమేష్ ముఖ్యమైన పాత్రలలో నటించారు. హిట్ సినిమా సూపర్ హిట్ అవడంతో సీక్వెన్స్ గా వచ్చిన హిట్టు 2 పై భారీ అంచనాలు నెలకొన్నాయి. అలా ఎన్నో అంచనాల మధ్య వచ్చిన ఈ సినిమా పాజిటివ్ టాక్ ను సొంతం చేసుకుంది. హిట్ 2 సినిమా సస్పెన్స్ క్రైమ్ థ్రిల్లర్ నేపథ్యంలో వచ్చిన సంగతి తెలిసిందే.
Advertisement
ఫస్ట్ వీకెండ్ లోనే ఈ సినిమా చాలా ఏరియాలలో బ్రేక్ ఈవెన్ కు దగ్గరగా కలెక్షన్లను సాధించింది. అయితే నిర్మాతలు చేసిన ఓ తప్పు వల్ల ఈ సినిమా కు నష్టం జరిగింది అని సోషల్ మీడియాలో ప్రచారం జరుగుతుంది. సాధారణంగా సస్పెన్స్ థ్రిల్లర్ సినిమాలు అంటే క్లైమాక్స్ లో ఏదో ఒక ట్విస్ట్ ఉంటుందని అందరికీ తెలుసు. అయితే మేకర్స్ మరియు సినిమాలో హీరోగా నటించిన అడవి శేషు ఇంటర్వ్యూలలో మరియు సినిమా ఫంక్షన్స్ లో సినిమా ట్విస్ట్ ను రిలీజ్ చేయద్దు అని పదేపదే కోరారు.
Advertisement
అయితే మేకర్స్ అలా చెప్పడం వల్లే యూట్యూబర్స్ ఆ పాయింట్ పై మరింత ఫోకస్ పెంచారు. ప్రేక్షకులకు ఉన్న ఆసక్తిని యూట్యూబర్స్ క్యాష్ చేసుకోవాలని చూశారు. దాంతో సినిమా ఫైనల్ ట్విస్ట్ ను చాలా మంది యూట్యూబర్స్ ఛానల్స్ రివీల్ చేశారు. దాంతో సినిమా క్లైమాక్స్ లో ఉన్న ట్విస్ట్ చాలా మందికి తెలిసిపోయింది.
గతంలో చాలా సినిమాలు వచ్చాయి టెంపర్, పోకిరి లాంటి సినిమాల్లోనూ క్లైమాక్స్ లో అదిరిపోయే ట్విస్ట్ ఉంటుంది. కానీ ఆ ట్విస్ట్ ముందే బయటకు రాలేదు. ఆ ట్విస్ట్ గురించి మేకర్స్ ఎక్కడా ప్రస్తావించలేదు కూడా. ఆ సినిమాలు సక్సెస్ఫుల్ గా థియేటర్ లో రన్ అయ్యాయి. అయితే హిట్ 2 విషయంలో మేకర్స్ పదేపదే చెప్పడం వల్లనే ట్విస్ట్ లీక్ అయ్యింది అని పలువురు నెటిజెన్లు అభిప్రాయపడుతున్నారు.
ALSO READ : సిల్క్ స్మిత కు అంతటి అన్యాయం జరిగిందా….? చివరికి నిర్మాతలు కూడా…?
