సూపర్ స్టార్ రజినీకాంత్ ఫస్ట్ ‘లవ్ స్టోరీ’ గురించి మీకు తెలుసా ?

సూపర్ స్టార్ రజినీకాంత్ గురించి ప్రత్యేకంగా చెప్పాల్సిన అవసరమే లేదు. సూపర్ స్టార్ సినిమా విడుదలవుతుందంటే..  దేశ వ్యాప్తంగా హంగామా నెలకొంటుంది. దక్షిణాదిలో అయితే చాలా ఎక్కువ క్రేజీనే ఉంటుంది. అయితే భాష సినిమాలో రజినీకాంత్ తో పాటు నటించిన నటుడు దేవన్. ఈ సినిమాకి రజినీకాంత్ తో కలిసి పని చేసిన అనుభవాన్ని ఓ ఇంటర్వ్యూలో చెప్పుకొచ్చాడు నటుడు దేవన్.

ముఖ్యంగా తాను రజినీకాంత్ తో కలిసి ముంబైలో భాష సినిమా కోసం 10 రోజులు షూట్ చేశానని.. ఆ సమయంలోనే రజినీకాంత్ తో వ్యక్తిగతంగా పరిచయం ఏర్పడిందని నటుడు దేవన్ వెల్లడించారు. సూపర్ స్టార్ నటుడు చాలా నిరాడంబరమైన వ్యక్తి అని, షూటింగ్ షెడ్యూల్ పూర్తయినప్పుడు..  దేవన్ మరియు మిగిలిన సిబ్బందిని తనతో భోజనం చేయమని ఆహ్వానించారట రజనీకాంత్.  రజినీకాంత్ నుంచి వచ్చిన భోజనం ఆహ్వానాన్ని ఎలా మిస్ అయ్యాడో.. ఆలస్యంగా వచ్చినప్పటికీ  రజినీకాంత్  ఎలా స్వాగతించాడో వివరించాడు. ప్రతీ ఒక్కరూ ప్రేమ, బంధం గురించి మాట్లాడినప్పుడు సూపర్ స్టార్ రజినీకాంత్ మాత్రం చాలా కలత చెందారని దేవన్ వెల్లడించారు. దేవన్ రజినీకాంత్  ని అతని గతం గురించి అడగ్గా.. తన జీవితంలో కొన్ని మరుపురాని క్షణాలున్నాయని చెప్పినట్టు తెలిపాడు.

రజినీకాంత్ బెంగళూరులో బస్ కండక్టర్‌గా పనిచేస్తున్నప్పుడు, నిర్మల అనే యువతి బస్సు ఎక్కేందుకు తన వెంటే నడిచిందని.. ఆమె ఎంబీబీఎస్ విద్యార్థిని అని సూపర్ స్టార్ చెప్పినట్టు తెలిపారు. అప్పట్లో రజినీకాంత్ నాటకంలో నటిస్తుండటంతో..   ఆ నాటకం చూసేందుకు నిర్మలను ఆహ్వానించినట్లు దేవన్‌తో చెప్పాడు రజినీకాంత్.   ఆమె  రజినీకాంత్ నటనను చూడటానికి వచ్చింది. రజనీకాంత్ ప్రేమగా  నిమ్మి అని పిలిచే నిర్మల కూడా అడయార్ ఫిల్మ్ ఇనిస్టిట్యూట్‌లో తన కోసం ఒక పోస్ట్ కోసం దరఖాస్తు చేసిందని.. ఆమె చేసిన దరఖాస్తు వల్లనే  అతనికి అడ్మిషన్ లభించిందని ఆయన వెల్లడించారు. అలాగే రజనీకాంత్ బాగా నటించాడని.. తనకెంతో ప్రత్యేకమని భావించి నిమ్మీ అలా చేసిందని రజనీకాంత్  దేవన్‌కి చెప్పినట్టు తెలిపాడు.

సినిమా పోస్టర్లు, థియేటర్లలోని కటౌట్‌లపై రజిన్‌కాంత్‌ను చూడాలనుకుంటున్నట్లు నిమ్మీ చెప్పింది. ఫిల్మ్ యూనివర్శిటీలో కోర్సుకు హాజరు కావడానికి తాను చెన్నైకి బయలుదేరానని, అయితే ఆమెను వెతకడానికి బెంగళూరుకు తిరిగి వెళ్ళినప్పుడు నిర్మలని తిరిగి పొందలేదని నటుడు దేవన్‌కు వివరించాడు రజినీకాంత్. ఆమె గురించి చాలా మందిని ఎంక్వయిరీ చేశానని, సక్సెస్ అయ్యాక కూడా ఆమె దొరకలేదని రజనీకాంత్ దేవన్ కి వివరించాడు.  చెన్నైలోని యాక్టింగ్ ఇన్‌స్టిట్యూషన్‌లో చేరడానికి రజనీకాంత్ స్నేహితుడు సహాయం చేసిన కథను సినిమాగా కూడా రూపొందించారు. ‘కుసేలన్’ కానీ అది అతని ఫస్ట్ లవ్  నిర్మల అని వెల్లడించకపోవడం గమనార్హం.

Also Read : మహిళలు తాగితే తప్పేంటి..? జీవిత రాజశేఖర్ సెన్షేషనల్ కామెంట్స్..!