నందమూరి బాలకృష్ణ-బోయపాటి శ్రీను కాంబినేషన్ టాలీవుడ్ లో తిరుగులేని క్రేజ్ ఉంది. వీరి కలయికలో సింహా, లెజెండ్, అఖండ వంటి బ్లాక్ బస్టర్స్ వచ్చాయి. ఇప్పుడు బోయపాటి మాదిరిగానే గతంలో కోడి రామకృష్ణతో బాలకృష్ణ-కాంబినేషన్ కి తిరుగులేదనే పేరు వచ్చింది.
Advertisement
బాలకృష్ణ కోడిరామకృష్ణ కాంబినేషన్ అనగానే మంగమ్మగారి మనవడు, ముద్దుల కృష్ణయ్య, మువ్వగోపాలుడు, ముద్దుల మావయ్య వంటి సూపర్ హిట్ సినిమాలు గుర్తుకొస్తాయి. ఆ తరువాత హఠాత్తుగా వారి కాంబినేషన్ ఆగిపోయింది. ఈ సినిమాలు నాలుగింటికి భార్గవ్ ఆర్ట్స్ అధినేత ఎస్.గోపాల్ రెడ్డి నిర్మాత. ఆ తరువాత కూడా ఈ ముగ్గురు కలిసి ఓ జానపద సినిమాని మొదలుపెట్టారు. అది సగం షూటింగ్ తరువాత అనుకోకుండా ఆగిపోయింది. అయితే బాలకృష్ణను అగ్రహీరోగా మార్చిన సినిమాలను డైరెక్ట్ చేసిన కోడి రామకృష్ణతో బాలయ్య మళ్లీ ఎందుకు సినిమా చేయలేదనే ప్రశ్న చాలా మందిలో ఉండిపోయింది.
Advertisement
కొన్నేళ్ల కిందట కోడి రామకృష్ణ ఈ ప్రశ్నకు సమాధానం ఇచ్చారు. భార్గవ్ ఆర్ట్స్ లో బాలకృష్ణతో గొప్ప సినిమాలను చేశాను. గోపాల్ రెడ్డి గారికి కూడా బాలయ్య అంటే విపరీతమైన అభిమానం. మంగమ్మగారి మనవడు తరువాత బాలయ్య స్టార్ హీరోగా మారిపోయాడు. ముద్దుల మావయ్య తరువాత బాలయ్య నెంబర్ వన్ హీరో అయ్యారు. ఆయన పారితోషకం కూడా బాగా పెరిగిపోయింది. బాలయ్యతో సినిమా తీస్తే.. మన కోసం ఆయన పారితోషకం తగ్గించుకోవాలి. అలాంటి పరిస్థితి బాలయ్య కి రాకూడదు. ఆ స్థాయి పారితోషకం ఇచ్చే స్థాయికి మనం చేరుకున్నాకే సినిమా తీద్దాం అన్నారు గోపాల్ రెడ్డి. అందుకే మా కాంబోలో సినిమాలు రాలేదని చెప్పారు కోడి రామకృష్ణ. కొందరూ మధ్య వర్తుల కారణంగానే జానపద సినిమా ఆగిపోయింది.
Also Read : కోడి రామకృష్ణ హెడ్ బ్యాండ్ వెనుక దాగి ఉన్న సీక్రెట్ గురించి మీకు తెలుసా ?
