దేవర కొత్త రిలీజ్ డేట్ వచ్చేసింది.. ఎప్పుడంటే..?

2024 లో ప్రేక్షకులు ఎంతో ఆసక్తిగా ఎదురుచూస్తున్న సినిమాల్లో ఎన్టీఆర్ దేవర ఒకటి. కొరటాల శివ,యంగ్ టైగర్ ఎన్టీఆర్ కాంబినేషన్ లో తెరకెక్కుతున్న ఈ సినిమా పై ఇప్పటికే విపరీతమైన హైప్ క్రియేట్ అయ్యింది. ఇక ఇటీవలే రిలీజైన గ్లింప్స్ తో సినిమా పై భారీ అంచనాలు ఏర్పడ్డాయి. అయితే గత కొద్దిరోజులుగా.. ఏప్రిల్ 5న విడుదలకు ప్లాన్ చేసిన ఈ సినిమా వాయిదా పడినట్లు సోషల్ మీడియాలో అనేక ప్రచారాలు జరిగాయి. ఇక ఇప్పుడు మేకర్స్ రిలీజ్ చేసిన ప్రకటనతో ఇదే నిజమని తేలిపోయింది.

తాజాగా దేవర చిత్ర బృందం కొత్త రిలీజ్ డేట్ అనౌన్స్ చేస్తూ.. ఎన్టీఆర్ పోస్టర్ ను రిలీజ్ చేసింది. 2024 అక్టోబర్ 10న ప్రేక్షకుల ముందుకు రానున్నట్లు తెలిపింది. న్యూ రిలీజ్ డేట్ రావడంతో ఎన్టీఆర్ అభిమానులు ఫుల్ ఖుష్ అవుతున్నారు. కానీ కొంత మంది అభిమానులు మాత్రం.. సినిమా మరీ ఇంత వెనక్కి వెళ్లిపోయిందేంటి అని నిరాశ చెందగా… మరి కొంత మంది.. ఎంత లేట్ అయిన పర్వాలేదు అవుట్ ఫుట్ మాత్రం అదిరిపోవాలి అంటూ కామెంట్స్ చేస్తున్నారు.

Also Read : మనదేశం సినిమా తో తెలుగు సినిమా పరిశ్రమకి పరిచయమైన ముగ్గురు లెజెండ్స్ ఎవరో చెప్పగలరా ?