టాలీవుడ్ లో ఇప్పటివరకు ఒక్క రీమేక్ సినిమాలు కూడా చేయని దర్శకులు వీరే..!

తెలుగు సినీ ఇండస్ట్రీలో ప్రస్తుతం ఉన్న స్టార్ డైరెక్టర్లలో కొంతమంది దర్శకులు మాత్రమే రీమేక్ లు చేయకుండా స్ట్రైయిట్ సినిమాలు చేస్తూ వస్తున్నారు. అందులో రాజమౌళి, సుకుమార్, కొరటాల శివ వంటి దర్శకులు ముందు వరుసలో ఉన్నారు. ఇక వాళ్ళ కెరీర్ లో  ఇప్పటివరకు ఒక్కసారి కూడా రీమేక్ సినిమాలు చేయకపోవడం గమనార్హం.  ఎందుకంటే వీళ్ళ కథలను వీళ్ళు రాసుకొని ది బెస్ట్ అవుట్ పుట్ తీసుకొచ్చే ప్రయత్నం చేస్తూ ఉంటారు. ఇక దర్శక ధీరుడు రాజమౌళికి అయితే తండ్రి విజయేంద్ర ప్రసాద్ కథలను అందిస్తారు.

రీమేక్ సినిమా అంటే ఆల్రెడీ చూసేసిన సినిమానే మళ్ళీ తీయాలి కాబట్టి వాళ్లు ఎలా అయితే తీశారో మనం కూడా అలాగే తీస్తాం.. దాంట్లో వైవిధ్యం ఏమీ ఉండదు అనే ఉద్దేశంతోనే వీళ్ళు రీమేక్ సినిమాలకి దూరంగా ఉంటూ వస్తున్నట్లుగా తెలుస్తోంది. అయితే రాజమౌళి వంటి  స్టార్ డైరెక్టర్ రీమేక్ అనే పదాన్ని వినడానికే ఇష్టపడడు.. ఎందుకంటే ఆయన సినిమాలను వేరే వాళ్ళు రీమేక్ చేసి సక్సెస్ లు సాధించాలి తప్ప.. తను వేరే వాళ్ళ సినిమాలను రీమేక్ చేసి సక్సెస్ సాధించే అవసరమైతే లేదు అంటాడు. పాన్ డైరెక్టర్ కావడంతో రీమేక్ చేస్తే ఫలితం మారితే ఇబ్బంది అవుతుంది.

సుకుమార్ కూడా తన కెరీర్ ప్రారంభం నుంచి వైవిద్యమైన  కథలతో ప్రేక్షకులను ఎప్పటికప్పుడు ఎంజాయ్ చేసే విధంగా ఎంటర్టైన్ చేస్తూనే తన సినిమాలను సక్సెస్ చేసుకుంటూ వస్తున్నాడు. ఈయన సినిమాలు అప్పుడప్పుడు ప్రేక్షకులకు పజిల్ పెడుతూ ఉంటాయి. వాటిని సాధించే క్రమంలో ప్రేక్షకుడు తన మీద తనే విజయం సాధిస్తూ ఉంటాడు. ఇలా మొత్తానికైతే మన స్టార్ డైరెక్టర్స్ రీమేక్ సినిమాలని చేయడానికి ఇష్టపడడం లేదని చెప్పవచ్చు.