సాధారణంగా తమ ప్రాణాలను సైతం లెక్క చేయకుండా ఈ దేశాన్ని విముక్తి చేయడం కోసం తమ ప్రాణాలను త్యాగం చేసిన వీరపుత్రులు చాలా మంది ఉన్నారు. అలాంటి వారిలో లాల లజపతి రాయ్ ఒకరు. పంజాబ్ లోని మోంగా జిల్లాలో జనవరి 28, 1865లో జన్మించాడు. స్వాతంత్య్ర పోరాటంలో ఆయన చేసిన కృషికి పంజాబ్ కేసరిగా ప్రసిద్ధి చెందారు. 1885లో జాతీయ కాంగ్రెస్ ఏర్పడింది. లాలా లజపతిరాయ్ జాతీయ కాంగ్రెస్ లో కీలక పాత్ర పోషించారు.
Advertisement
ముఖ్యంగా లాలాలజపతిరాయ్ గొంతుతో బ్రిటిష్ ప్రభుత్వం వణికిపోయేది. రచయిత, రాజకీయవేత్త అయిన రాయ్ కూడా లాల్-బాల్-పాల్ త్రయంలో భాగంగా ఉన్నారు. పంజాబ్ నేషనల్ బ్యాంక్ ఏర్పాటులో లాలా కీలక పాత్ర పోషించారు. లాహోర్లో చదువుకోవడం నుంచి భారత్లో జాతీయవాదానికి మూలస్తంభంగా నిలిచే వరకు, రాయ్ అనేక ముఖ్యమైన రచనలు చేశారు. లాలా లజపతిరాయ్ నవంబర్ 17, 1928న తుది శ్వాస విడిచారు. ఆయన గురించి పలు ఆసక్తికరమైన విషయాలు ఇప్పుడు మనం తెలుసుకుందాం.
Advertisement
- లాలా లజపతిరాయ్ మొదటి ప్రపంచ యుద్ధం సమయంలో యునైటెడ్ స్టేట్స్లో నివసించారు. అక్కడ ఆయన ఇండియన్ హోమ్ రూల్ లీగ్ ఆఫ్ అమెరికాను స్థాపించాడు.
- లాలా లజపతి రాయ్ న్యాయశాస్త్ర విద్యార్థి.. ఆయన హిసార్లో ఈ విద్యను అభ్యసించాడు.
- లాలా లజపతిరాయ్, బాలగంగాధర్ తిలక్, బిపిన్ చంద్ర పాల్ లాల్-బాల్-పాల్ త్రయాన్ని ఏర్పాటు చేసి స్వదేశీ ఉద్యమాన్ని ప్రోత్సహించారు.
- 1928లో రాజ్యాంగ సంస్కరణపై బ్రిటిష్ సైమన్ కమిషన్ను బహిష్కరించాలని శాసనసభ తీర్మానాన్ని ప్రవేశపెట్టారు.
- హర్యానాలోని హిసార్లోని రాయ్ వెటర్నరీ అండ్ యానిమల్ సైన్సెస్ విశ్వవిద్యాలయం విప్లవకారుడి పేరు పెట్టింది.
- రాయ్ రచయితగా కూడా కనిపించి అనేక పుస్తకాలు రాశారు. ఆయన రచనలలో కొన్ని – ది స్టోరీ ఆఫ్ మై డిపోర్టేషన్, యునైటెడ్ స్టేట్స్ ఆఫ్ అమెరికా: ఎ హిందూస్ ఇంప్రెషన్, ఇంగ్లండ్స్ డెట్ టు ఇండియా.
- రాయ్ వర్ధంతి(నవంబర్ 17)ని ఒడిశా ప్రజలు అమరవీరుల దినోత్సవంగా జరుపుకుంటారు.
