టాలీవుడ్ ఎంట్రీ ఇస్తున్న బాలీవుడ్ స్టార్ కమెడీయన్ కూతురు..!

బాలీవుడ్ స్టార్ కమెడీయన్, తెలుగు వాడైన జానీ లీవర్ కుమార్తె జామీ లీవర్ ఆ ఒక్కటి అడక్కు సినిమాతో టాలీవుడ్ కి ఎంట్రీ ఇస్తున్నారు. తన నాన్నమ్మకు హృదయపూర్వక నివాళిగా ఈ సినిమాలో ఆమె నటించేందుకు సిద్ధమైంది. జామీ మాతృ భాష తెలుగు కావడంతో ఈ సినిమా తనకు స్పెషల్ అని ఆమె అంటోంది. ఈ సినిమా గురించి తన ఆనందాన్ని వ్యక్తం చేస్తూ.. జామీ తెలుగు పరిశ్రమలో ఆ ఒక్కటి అడక్కు మూవీతో నా ఆరంగేట్రం చేయడంతో ఒక కల నిజం అయింది. 

ఈ సినిమా నాకు వృత్తి పరమైన ప్రయాణం మాత్రమే కాదు.. ఇది నా మూలాలకు వ్యక్తిగతంగా నివాళి.ఛోటా భీమ నిర్మాత రాజీవ్ చిలుక నిర్మిస్తున్న ఈ చిత్రంలో జామీ కీలక పాత్ర పోషించనున్నారు. ఈ అవకాశం ఇచ్చినందుకు కృతజ్ఞతలు కూడా తెలిపారు. ఇక తెలుగు పరిశ్రమలో జామీ ఆరంగేట్రం కోసం అంచనాలు పెరుగుతుండగా.. ఆమె కూడా అంతే ఉత్సాహంతో ఉంది. నా సౌత్ సినీ ఎంట్రీ కోసం నేను చాలా ఉత్సాహంగా ఉన్నాను. తెలుగు కేవలం భాష కాదు.. ఇది నా గుర్తింపులో భాగమే. ప్రేక్షకులు నన్ను చూసి ఆనందిస్తారని నేను ఆశిస్తున్నాను. ఈ కొత్త వెలుగులో.. తెలుగు సినిమా గొప్ప తనాన్ని చాటి చెబుతోంది అంటూ ఆమె పేర్కొన్నారు. 

మరిన్ని సినిమా వార్తల  కోసం వీటిని చూడండి! తెలుగు న్యూస్ కోసం ఇవి చూడండి!