‘బబుల్ గమ్’ సినిమాతో జాన్వీకపూర్ కి ఉన్న సంబంధం ఏంటో తెలుసా..?

టాలీవుడ్ టాప్ యాంకర్ సుమ కనకాల, నటుడు రాజీవ్ కనకాల తనయుడు రోషన్ కనకాల హీరోగా ఎంట్రీ ఇస్తూ చేసిన సినిమా బబుల్ గమ్. టైటిల్ తోనే ప్రేక్షకులలో ఓ రకమైన ఆసక్తిని రేకెత్తించింది ఈ సినిమా. మానస చౌదరి హీరోయిన్ గా నటించిన ఈ మూవీకి క్షణం ఫేమ్ రవికాంత్ పేరెపు దర్శకత్వం వహించారు. పీపుల్స్ మీడియా ఫ్యాక్టరీ, మహేశ్వరి మూవీస్ పతాకంపై ఈ సినిమా తెరకెక్కింది. హీరో సిద్దు జొన్నలగడ్డ సోదరుడు చైతు జొన్నలగడ్డ రోషన్ తండ్రి పాత్రలో నటించడంతో ఈ సినిమా మీద అంచనాలు భారీగా ఏర్పడ్డాయి.

శుక్రవారం రోజు ప్రేక్షకుల ముందుకి వచ్చిన ఈ సినిమా మంచి టాక్ తెచ్చుకుంది. మొదటి సినిమాతోనే మంచి ఎంటర్టైన్మెంట్ ఇచ్చాడు రోషన్. ఈ సినిమాలో రొమాంటిక్ సన్నివేశాలు, హగ్గులు తప్పిస్తే మరేమీ లేవు. ఈ సినిమా అంతా నేటి జనరేషన్ కి బాగా నచ్చే విధంగా తిరకెక్కించారు మేకర్స్. అయితే ఈ సినిమాకి బాలీవుడ్ స్టార్ హీరోయిన్ గా పాపులారిటీ సంపాదించుకున్న జాన్వి కపూర్ తో సంబంధం ఉందంటూ.. ఓ న్యూస్ ఇప్పుడు వైరల్ అవుతోంది.

దీంతో సుమ ఫాన్స్ ఈ న్యూస్ విని ఆశ్చర్యపోతున్నారు. అయితే ఈ సినిమాలో రోషన్ క్యారెక్టర్ పేరు ఆది. మానస చౌదరి క్యారెక్టర్ పేరు జాన్వి. నిజానికి ఈ పాత్ర కోసం ముందు ఎన్నో పేర్లను అనుకున్నారట. కానీ, రోషన్ కనకాలనే జాన్వి అనే పేరును ఎంచుకున్నారట. దానికి కారణం రోషన్ జాన్వి కపూర్ కి పెద్ద ఫ్యాన్ కావడమే. ఈ విషయం యాంకర్ సుమకి కూడా తెలుసు. రోషన్ కోరిక ప్రకారమే ఈ సినిమాలో జాన్వి అంటూ మానస చౌదరి క్యారెక్టర్ పేరుని డిజైన్ చేశారట. దీంతో ఈ న్యూస్ ఇప్పుడు వైరల్ గా మారింది.