సలార్ సినిమాలో నటించిన ఈ అమ్మాయి గురించి మీకు తెలుసా ?

పాన్ ఇండియా స్టార్ హీరో ప్రభాస్ హీరోగా ప్రశాంత్ నీల్ దర్శకత్వంలో తెరకెక్కిన తాజా చిత్రం సలార్. ఇందులో శృతిహాసన్ హీరోయిన్ గా నటించిన ఈ సినిమాలో పృద్వీ రాజ్ సుకుమారన్, శ్రేయారెడ్డి కీలక పాత్రల్లో నటించారు. డిసెంబర్ 22న రిలీజ్ అయిన ఈ సినిమా భారీ విజయం అందుకుంది.

ఈ సినిమా కేవలం ప్రభాస్ కి మాత్రమే కాదు.. అందులో నటించిన ప్రతీ ఒక్కరినీ సెలబ్రిటీలుగా మార్చింది. కేవలం రెండు, మూడు సీన్స్ ఉన్న నటులు కూడా ఇప్పుడు స్టార్స్ గా మారిపోయారు. ఈ సినిమాలో కాటేరమ్మ కొడుకును పంపింది అన్న ఒక్క ఎలివేషన్ సీన్ తో టాక్ ఆఫ్ ది టౌన్ గా మారిపోయింది ఈ అమ్మాయి.. ఈ సినిమాలో నటించిన ఈ అమ్మాయి గురించి ఓ వార్త సోషల్ మీడియాలో చక్కర్లు కొడుతోంది. ప్రధానంగా సలార్ మూవీలో నటించిన ఆ అమ్మాయి ఎవరు..? ఆమె బ్యాక్ గ్రౌండ్ ఏంటి అనేది ఇప్పుడు మనం తెలుసుకుందాం. 

సలార్ సినిమాలో నటించిన చాలా మంది నటీనటులు ఇప్పటికే కొన్ని ఇంటర్వ్యూలలో పాల్గొని వారికి సంబంధించిన ఎన్నో ఆసక్తికరమైన విషయాలను బయటపెట్టారు. ఈ చిత్రంలో సురభి పాత్రలో చేసిన ఈ అమ్మాయి తాజాగా ఓ ఇంటర్వ్యూలో పాల్గొంది. తన గురించి ఆసక్తికర విషయాలను వెల్లడించింది. సురభి పాత్రలో నటించిన అమ్మాయి పేరు సయ్యద్ ఫర్జానా. ఈమె రెండు సంవత్సరాల వయస్సు ఉన్న టైమ్ లోనే ఐపీఎల్ యాడ్ లో మెరిసింది. అంతేకాదు.. మీలో ఎవ్వడు కోటీశ్వరుడు అనే ప్రోగ్సామ్ కి సంబంధించిన ప్రోమోలో కూడా సయ్యద్ ఫర్జానా నటించింది. 

వాస్తవానికి సలార్ కంటే ముందే ఓరి దేవుడా అలాగే ఝాన్సీ అనే వెబ్ సిరీస్ లో కూడా నటించింది. సలార్ మూవీలోని సురభి పాత్ర కోసం చాలా మందిని ఆడిషన్స్ చేశారట మూవీ మేకర్స్. కానీ అదృష్టం కొద్ది అవకాశం ఫర్జానాకి వచ్చింది. ఈ ఛాన్స్ మోడల్స్ వరల్డ్ ఏజెన్సీ నుంచి వచ్చింది. ఇందులో చాలా మంది ఆడిషన్ కి వచ్చినప్పటికీ ప్రశాంత్ నీల్ కి సయ్యద్ ఫర్జానా మాత్రమే నచ్చిందట. ఆమె రీసెంట్ ఇంటర్యూలో మాట్లాడుతూ.. నాకు ప్రశాంత్ నీల్,ప్రభాస్ వంటి పెద్ద పెద్ద స్టార్లతో సినిమాలో చేసే అవకాశం వచ్చినందుకు చాలా సంతోసంగా ఉందని చెప్పుకొచ్చింది.