షారుఖ్ ఖాన్ ‘డుంకీ’ చిత్రాన్ని తెలుగులో మిస్ చేసుకున్న స్టార్ హీరో ఎవరో తెలుసా ?

ఈ ఏడాది ప్రారంభం లో పఠాన్ చిత్రంతో ఒకసారి, సెప్టెంబర్ లో జవాన్ చిత్రంతో  రెండుసార్లు 1000 కోట్ల రూపాయల గ్రాస్ ని కొల్లగొట్టిన ఏకైక హీరోగా బాలీవుడ్ సూపర్ స్టార్ షారుఖ్ ఖాన్ నిలిచాడు. అలా పీక్ ఫామ్ లో ఉన్న షారుఖ్ ఖాన్, అపజయం అనేదే ఎరుగని బాలీవుడ్ స్టార్ డైరెక్టర్ రాజ్ కుమార్ హిరానీ దర్శకత్వంలో నటించిన డంకీ చిత్రం రీసెంట్ గానే విడుదలై మంచి రెస్పాన్స్ ని దక్కించుకుంది. షారుఖ్ ఖాన్ మిగిలిన రెండు సినిమాలు లాగా కాకుండా, కాస్త స్మూత్ జానర్ సినిమా అవ్వడంతో డంకీ చిత్రానికి పెద్దగా ఓపెనింగ్స్ రాలేదు కానీ, లాంగ్ రన్ లో మాత్రం సినిమాకి మంచి వసూళ్లు వస్తున్నాయి. మొదటి రెండు రోజుల కంటే కూడా మూడవ రోజు ఈ చిత్రానికి అద్భుతమైన వసూళ్లు వచ్చాయి.

ఇదంతా పక్కన పెడితే డంకీ చిత్రాన్ని రాజ్ కుమార్ హిరానీ తెలుగు మరియు హిందీ భాషల్లో బై లింగ్యువల్ చిత్రంగా తెరకెక్కించాలని ముందుగా అనుకున్నాడట. బాలీవుడ్ లో షారుఖ్ ఖాన్, అలాగే తెలుగులో రామ్ చరణ్ తో ఈ సినిమాని తీయాలని అనుకున్నాడు. కానీ, ఇలాంటి సినిమాలు మన దగ్గర ఆడవు అని రామ్ చరణ్ కి ఒక క్లారిటీ ఉంది. అందుకే ఈ చిత్రాన్ని సున్నితంగా తిరస్కరించాడు రామ్ చరణ్. ఈ సినిమా ఒప్పుకొని చేసి ఉంటే సినిమా ఫలితంతో సంబంధం లేకుండా రామ్ చరణ్ కి మంచి పేరు వచ్చేదేమో కానీ, ఇప్పుడు ఉన్న కమర్షియల్ పోటీ యుగం లో మాత్రం వెనుకబడేవాడు.

అయితే ఈ సినిమా కాకపోయినా, త్వరలోనే రామ్ చరణ్ రాజ్ కుమార్ హిరానీ తో ఒక సినిమా చేయడానికి ఒప్పుకున్నాడట. గేమ్ చేజర్ మరియు బుచ్చిబాబు సినిమాల తర్వాత ఈ చిత్రం సెట్స్ మీదకి వెళ్ళనుంది. రామ్ చరణ్ తో రాజ్ కుమార్ హిరానీ 3 ఇడియట్స్ లాంటి యూత్ ఫుల్ మూవీ ని తీయడానికి ప్లాన్ చేస్తున్నాడట. ఆర్ఆర్ఆర్ చిత్రంతో రామ్ చరణ్ రేంజ్ పాన్ ఇండియా దాటి పాన్ వరల్డ్ కి ఎగబాకిన సంగతి మన అందరికీ తెలిసిందే. ఆయన రేంజ్ కి తగ్గట్టే ప్రాజెక్ట్స్ కూడా వస్తున్నాయి. ఈ సినిమాకి సంబంధించిన ఫోటో షూట్ ని కూడా చాలా రోజుల క్రితమే చేశారట. వచ్చే ఏడాది రామ్ చరణ్ పుట్టినరోజున ఈ పోస్టర్స్ విడుదల అయ్యే అవకాశాలు ఉన్నట్టుగా సమాచారం.