సూర్య ‘కంగువా’లో యానిమల్ విలన్.. తన పాత్ర గురించి ఏం చెప్పాడంటే..?

తమిళ ఇండస్ట్రీలో డైరెక్టర్ శివ, హీరో సూర్య కాంబినేషన్ లో ‘కంగువ’ అనే పీరియాడికల్ యాక్షన్ డ్రామా తెరకెక్కుతున్న సంగతి తెలిసిందే. ప్రస్తుతం షూటింగ్ దశలో ఉన్న ఈ మూవీ శరవేగంగా షూటింగ్ జరుపుకుంటుంది. ఆ మధ్య సూర్య బర్త్ డే కానుకగా రిలీజ్ చేసిన టీజర్ ఆడియన్స్ లో సినిమా పై భారీ అంచనాలు క్రియేట్ చేసింది. ఆ టీజర్ లో సూర్య వైల్డ్ వారియర్ గా కనిపించి థ్రిల్ చేశారు. బాలీవుడ్ భామ దిశా పటాని ఈ సినిమాలో హీరోయిన్ గా నటిస్తున్నారు. ఇక ఈ భారీ పిరియాడికల్ మూవీలో విలన్ గా ఎవరు కనిపించబోతున్నారని ఆసక్తి నెలకుంది.

తాజాగా ఆ విషయాన్ని బాలీవుడ్ యాక్టర్ లీక్ చేశారు. రీసెంట్ గా రిలీజ్ అయిన రణబీర్ ‘యానిమల్’ మూవీలో విలన్ గా నటించిన ‘బాబీ డియోల్’ కంగువలో ప్రతినాయకుడు పాత్రని పోషిస్తున్నారట. యానిమల్ మూవీలో అసలు మాటలు లేకుండానే విలనిజం పండించిన బాబీ డియోల్.. ఇప్పుడు ఈ పిరియాడికల్ డ్రామాలో భాగం కాబోతున్నారు. ఇక ఈ మూవీలోని తన పాత్ర గురించి బాబీ డియోల్ మాట్లాడుతూ.. “నా కంఫర్ట్ జోన్ దాటి నేను కంగువలో పాత్రని చేస్తున్నాను. నాకు ఆ పాత్ర చాలా కొత్తది” అంటూ పేర్కొన్నారు.

యానిమల్ మూవీతో బాబీ డియోల్ లో తెలుగు ఆడియన్స్ లో కూడా మంచి ఫేమ్ వచ్చింది. ఆల్రెడీ ఈ నటుడు పవన్ కళ్యాణ్ ‘హరిహర వీరమల్లు’ నటిస్తున్నారు. ఆ సినిమా షూటింగ్ పూర్తి అయ్యుంటే.. యానిమల్ కంటే ముందే బాబీ డియోల్ తెలుగు ఆడియన్స్ కి పరిచయం అయ్యేవారు. ఇక కంగువ విషయానికి వస్తే.. ఈ సినిమాలో సూర్య ఆరు పాత్రల్లో కనిపించబోతున్నారని, అలాగే సినిమా కథ రెండు టైం లైన్స్ లో ఉండబోతుందని వార్తలు వినిపిస్తున్నాయి. స్టూడియో గ్రీన్, యూవీ క్రియేషన్స్ బ్యానర్ పై దాదాపు 350 కోట్లతో ఈ సినిమాని తెరకెక్కిస్తున్నారు.