నటుడిగా సాధ్యం కానిది.. అలా చేసి అవార్డు దక్కించుకున్న శివాజీ..!

టాలీవుడ్ లో సీనియర్ నటుడుగా ఎంతో మంచి పాపులారిటీ సంపాదించిన శివాజీ ప్రతి ఒక్కరికి సుపరిచితమే. ఎన్నో నెగటివ్ పాత్రలలో కూడా నటించి మంచి క్రీజ్ అందుకున్నారు. అయితే పొలిటికల్ పరంగా బిజీగా ఉండడం చేత 2016 నుంచి సినీ ఇండస్ట్రీకి దూరంగా ఉంటూనే వచ్చారు. కానీ పలు చిత్రాలకు మాత్రం డబ్బింగ్ చెబుతూ ఉండేవారట. అలా తను వాయిస్ తో ఇప్పటివరకు ఎన్నో సినిమాలు వచ్చి బాగానే ఆకట్టుకున్నాయట. అయితే శివాజీ తన 25 ఏళ్ల కెరియర్ లో నటుడుగా సాధించలేని ఘనతను తన వాయిస్ తో దక్కించుకున్నట్లు తెలుస్తోంది. అలా ఒక నంది అవార్డును కూడా అందుకోవడం గమనార్హం.

నటుడుగా సినిమాలో చేస్తూనే కలిసి సినిమాలకు డబ్బింగ్ చెప్పిన శివాజీ మొదట నితిన్ నటించిన జయం సినిమాకు డబ్బింగ్ చెప్పారట. అది బాగా సెట్ అవ్వడంతో ఆ తర్వాత దిల్ సినిమాలో కూడా నితిన్ కి వాయిస్ అందించడం జరిగిందట శివాజీ. అలా 2003లో బెస్ట్ మెయిల్ డబ్బింగ్ ఆర్టిస్టుగా నంది అవార్డును సైతం అందుకున్నట్లు తెలుస్తోంది శివాజీ. అయితే ఈ అవార్డు కోసం చాలామంది ఎదురు చూసేవారట. అలాంటి అవార్డు శివాజీ అందుకోవడం విశేషమని చెప్పవచ్చు. ఇవే కాకుండా తన కెరీర్ లో చెప్పిన డబ్బింగ్ చిత్రాల విషయానికి వస్తే.. సొంతం సినిమాలో ఆర్యన్ రాజేష్, ఉల్లాసంగా ఉత్సాహంగా సినిమాలో సాగర్ కు, పిజ్జా సినిమాలో విజయ్ సేతుపతికి తెలుగు వర్షన్ లో వాయిస్ చెప్పారట.

ఇలాంటి పాపులారిటీతో శివాజీ బిగ్ బాస్ సీజన్-7 లోకి ఎంట్రీ ఇస్తూ అలరిస్తూనే ఉన్నారు. హౌస్ లో ఉండే కంటెస్టెంట్లకు సైతం తనదైన స్టైల్ లో ధైర్యం చెబుతూ వారితో పాటు తాను కూడా ముందుకు వెళుతున్నారు. టాప్-5 కంటేస్టెంట్ లలో ఒకరిగా శివాజీ ఉన్నారని చెప్పవచ్చు. శివాజీ అభిమానులు మాత్రం కచ్చితంగా బిగ్ బాస్ విన్నర్ అవుతారని నమ్మకంతో ఉన్నారు. ఇటీవల ఒక వెబ్ సిరీస్ లో కూడా నటిస్తున్నట్లు తెలుస్తోంది. దాదాపుగా ఎన్నో సంవత్సరాల తర్వాత మళ్లీ కెమెరా ముందుకు రాబోతున్నారు శివాజీ. మరి ఏ మేరకు మెర్పిస్తారో చూడాలి. ఇక మరోవైపు బిగ్ బాస్ లో విన్నర్ గా శివాజీ కప్ అందుకుంటారో లేదో చూడాలి మరి.