మెగాస్టార్ మూవీలో సునీల్.. ఏ పాత్రలో అంటే ?

సాధారణంగా తెలుగు సినిమా ఇండస్ట్రీలో మెగాస్టార్ చిరంజీవి అంటే ఎవరికైనా ఒక ప్రత్యేకమైన అభిమానం ఉంటుంది. ఆయనతో ఒక్కసారైనా నటించాలని ఎదురు చూసే ఎంతో మంది నటీనటులు ఇండస్ట్రీలో ఉన్నారు. అలాంటి మెగాస్టార్ చిరంజీవి ప్రస్తుతం సెకండ్ ఇన్నింగ్ స్టార్ట్ చేసి దూసుకుపోతున్నారు. అలాంటి ఆయనతో కమెడియన్ సునీల్ నటించ బోతున్నారట. అది కూడా సరికొత్త పాత్రలో అని తెలుస్తోంది. మరి ఆ వివరాలు చూద్దాం.. ఒకప్పుడు కమెడియన్ గా ఇండస్ట్రీలోకి ఎంట్రీ ఇచ్చిన సునీల్, ఆ తర్వాత హీరోగా మారి పలు సినిమాల్లో నటించారు.

 అలా దూసుకుపోతున్న తరుణంలోనే పుష్ప సినిమాలో విలన్ పాత్ర చేసి ఎనలేని క్రేజ్ సంపాదించారు. కేవలం తెలుగులోనే కాకుండా కన్నడ, తమిళ ఇండస్ట్రీలో కూడా ఎంతో పాపులారిటీ సంపాదించుకొని దూసుకుపోతున్నారు. అలా విలన్ పాత్రల్లో సెట్ అయిపోయిన సునీల్ మళ్లీ తన పాత పాత్ర కామెడీ ద్వారా మళ్ళీ కనిపించబోతున్నారట. అది కూడా మెగాస్టార్ చిరంజీవి సినిమాలో కీలకమైన కామెడీ పాత్రలో ఆయన నటించబోతున్నట్టు తెలుస్తోంది.

చిరంజీవి వశిష్ట  కాంబినేషన్ లో ఒక చిత్రం రూపుదిద్దుకుంటున్న విషయం తెలిసిందే. త్వరలోనే ఈ చిత్ర షూటింగ్ కూడా ప్రారంభం అవ్వనున్నట్టు తెలుస్తోంది. ఇందులో సునీల్ కు కామెడీ కోసం అవకాశం వచ్చిందట. ఈ పాత్ర కూడా చాలా డెప్త్ గా ఉంటుందని తెలుస్తోంది. ఇప్పటికే మెగాస్టార్ చిరంజీవి సినిమాలైనా ఇంద్ర స్టాలిన్ అందరివాడు చిత్రాల్లో సునీల్ కామెడీ పాత్రలో అదరగొట్టేశారు. అలాగే ఈ సినిమాలో ప్రతి నాయకుడి పాత్రలో రానా నటిస్తున్నారని తెలుస్తోంది.