బిగ్ బాస్ 7 తెలుగు సీజన్ గతంతో పోలిస్తే గత కొన్ని వారాలుగా పికప్ అయ్యిందని చెప్పవచ్చు. గ్రూపులుగా తయారై కొట్టుకుంటున్నారు. అయితేనేం మంచి ఎంటర్ టైన్ మెంట్ ఇస్తున్నారు. ఇకపోతే ఉల్టా పుల్టా అనే ట్యాగ్ లైన్ తో ఈ సీజన్ రన్ చేస్తున్నారు. ఇప్పుడు ఆ లైన్ కి మరోసారి న్యాయం చేసేలా ఈ వారం డబుల్ ఎలిమినేషన్ ప్లాన్ చేసి ట్విస్ట్ ఇవ్వబోతున్నారట. ఇంతకీ విషయం ఏంటంటే..? ఎలిమినేట్ అయ్యే ఆ ఇద్దరు ఎవరు? ఈవారం బిగ్ బాస్ హౌస్ లో 8 మంది నామినేట్ అయ్యారు. శివాజీ కెప్టెన్ కాబట్టి అతడు లిస్టులో లేడు. రైతుబిడ్డ ప్రశాంత్ కి ఒక్క ఓటు పడడంతో అతడు సేఫ్ అయిపోయాడు. దీంతో మిగిలిన వాళ్ళందరూ అంటే అమర్ దీప్, యావర్, ప్రియాంక, శోభా శెట్టి, అర్జున్, గౌతమ్, అశ్విని, రతిక ఉన్నారు.
Advertisement
వీళ్ళలో యావర్ కి ఈసారి ఎక్కువ ఓట్లు పడినట్టు తెలుస్తోంది. రెండులో అమర్ ఉన్నాడట. తర్వాత వరుసగా రతిక, అశ్విని, గౌతమ్, అర్జున్, ప్రియాంక, శోభా శెట్టి ఉన్నట్లు తెలుస్తోంది. ఓటింగ్ ప్రకారం చూసుకుంటే సీరియల్ బ్యాచ్ లోని ప్రియాంక లేదా శోభా శెట్టిలో ఒకరు ఎలిమినేట్ అయిపోవాలి. కానీ బిగ్ బాస్ ఆర్గనైజర్స్ అస్సలు వీళ్ళని బయటకు పంపించరు. ఎందుకంటే ఆటైనా, గొడవైనా వీళ్ళిద్దరూ ముందుంటున్నారు. శివాజీకి ఎదురునిలబడి మాట్లాడుతున్నది కూడా వీళ్లే. ఇలాంటి వాళ్ళని ఎలిమినేట్ చేసి పంపించేస్తే షోలో మజా పోతుంది. అందుకే ఓట్లు తక్కువ పడినా సరే వీళ్ళు బయటకెళ్ళే ప్రసక్తే లేదనిపిస్తోంది. ఈవారం ఎవిక్షన్ పాస్ ఇవ్వడాన్ని కంటే ముందు ఇప్పటివరకు హౌస్ లో ఉన్నదాని ప్రకారం ర్యాంకింగ్ ప్రకారం నిలబడమని బిగ్ బాస్ చెప్పాడు. దీంతో వరసగా శివాజీ, యావర్, ప్రశాంత్, ప్రియాంక, శోభా, అమర్, గౌతమ్, అర్జున్, అశ్విని, రతిక నిల్చున్నారు.
Advertisement
చివరి రెండు స్థానాల్లో అశ్విని, రతిక ఉన్నారు. అంటే వీళ్ళిద్దరూ ఎలిమినేషన్ కి అర్హులని పరోక్షంగా చెప్పినట్లే. అలా ఇప్పుడు ఈ ఇద్దరిని ఈ వారం ఒకేసారి ఎలిమినేట్ చేస్తారని అంటున్నారు. లేదంటే మిడ్ వీక్ ఎలిమినేట్ కూడా ప్లానింగ్ లో ఉందని టాక్ ఈ వారం పెట్టిన పోటీల్లో గెలిచిన యావర్ ఎవిక్షన్ పాస్ సొంతం చేసుకున్నాడు. అయితే మనోడు ఎలిమినేషన్ లో ఉన్నాడు కాబట్టి సొంతంగా సేవ్ చేసుకోవాలని బిగ్ బాస్ ఫిట్టింగ్ పెడితే.. యావర్ తనకోసం తానే దీన్ని ఉపయోగించే అవకాశం ఉంటుంది. వేరే వాళ్ళ కోసం అంటే మాత్రం కచ్చితంగా రతికని యావర్ సేవ్ చేసేస్తాడు. మరి ఏం జరుగుతుందో చూడాలి. గేమ్ టాస్కుల పరంగా చూసుకుంటే రతిక ఎప్పుడో వెళ్లిపోవాలి. కానీ బిగ్ బాస్ ఎందుకో ఆమెపై తెగ ప్రేమ చూపిస్తున్నాడు. ఈసారి ఆమె ఎలిమినేట్ అవుతుందా? సేవ్ అవుతుందా అనేది చూడాలి మరీ.
