టాలీవుడ్ లో RX 100, మహాసముద్రం వంటి సినిమాల తర్వాత అజయ్ భూపతి దర్శకత్వం వహిస్తున్న తాజా చిత్రం మంగళవారం. ఈ సినిమా గురించి అప్పుడే ఇండస్ట్రీలో తెగ మాట్లాడుకుంటున్నారు. ఈ సినిమా ట్రైలర్ విడుదలైనప్పటి నుంచి ప్రేక్షకుల్లో ఆసక్తి పెరిగింది. తన లక్కీ చార్మ్ పాయల్ రాజ్ పుత్ తో మరోసారి ప్రేక్షకులకు మంచి అనుభూతిని అందించే పాత్ర చేయించారంట అజయ్ భూపతి. మంగళవారం సినిమాలో ఆమె పాత్రే హైలైట్ కాబోతుందని టాక్. ఇప్పటికే ట్రైలర్ లో పాయల్ క్యారెక్టర్ కు సంబంధించి ఒక హైప్ క్రియేట్ చేశారు అజయ్ భూపతి.
Advertisement
అయితే ఈ సినిమా ట్రైలర్ గత నెలలో మెగాస్టార్ చిరంజీవి విడుదల చేశారు. సోషల్ మీడియా ద్వారా ట్రైలర్ ను లాంచ్ చేసిన చిరు.. నిర్మాతలు స్వాతి రెడ్డి గునుపాటి, సురేష్ వర్మల గురించి ముందుగా ప్రస్తావించారు. వారు తనకు ఎంతో సన్నిహితులని పేర్కొన్నారు. ముఖ్యంగా స్వాతిరెడ్డి ఎంతో డైనమిక్ అని.. తన కుమార్తె శ్రీజకు మంచి స్నేహితురాలని వెల్లడించారు. చిరు ఎక్స్ లో చేసిన ఈ పోస్ట్ బాగా వైరల్ అయింది. శ్రీజకు ఫ్రెండ్ స్వాతి రెడ్డి అనే వార్త బాగా వెళ్ళింది. అయితే, అసలు ఈ స్వాతి రెడ్డి ఎవరు? ఆమె బ్యాక్ గ్రౌండ్ ఏంటి అనే విషయాలు ఇప్పుడు పూర్తిగా బయటికి వచ్చాయి.
Advertisement
నిజానికి నిర్మాతగా ఆమె పేరును స్వాతిరెడ్డి గునుపాటి అని పేర్కొన్నారు. కానీ.. స్వాతి నిమ్మగడ్డ అని చెప్పుంటే అందరికీ అప్పుడే అర్థమైపోయేది. అంటే ప్రముఖ వ్యాపారవేత్త నిమ్మగడ్డ ప్రసాద్ కుమార్తె ఈ స్వాతిరెడ్డి. అందరికీ ఈమె స్వాతి నిమ్మగడ్డ గానే తెలుసు. కాకపోతే 2016లో పారిశ్రామికవేత్త గునుపాటి శివకుమార్ తనయుడు స్వాతి పిల్లాడారు. అప్పటి నుంచీ ఆమె స్వాతిరెడ్డి గునుపాటి అయ్యారు. ఈ విషయాన్ని అందరూ మరిచిపోయే ఉంటారు. ఇప్పుడు మంగళవారం నిర్మాత స్వాతిరెడ్డి గునుపాటి అంటే ఎవరో అనుకున్నారు. కానీ, ఆమె మ్యాట్రిక్స్ ఫార్మా సంస్థ యజమాని నిమ్మగడ్డ ప్రసాద్ కూతురు అని ఇప్పుడు బయటకి వచ్చింది.
