బాలీవుడ్ బాద్ షా షారూఖ్ ఖాన్ నటించిన మూవీ జవాన్. ఈ సినిమా బాక్సాఫీస్ రికార్డులను తిరగరాయడమే కాదు.. ఓటీటీలో కూడా దుమ్ము రేపుతోంది. అక్టోబర్ 30 నుంచి నెట్ ఫ్లిక్స్ లో స్ట్రీమ్ అవుతున్న ఈ మూవీ సరికొత్త రికార్డును క్రియేట్ చేసింది. ఈ ఓటీటీలో అత్యధిక మంది చూసిన బాలీవుడ్ మూవీగా నిలిచింది. ఈ తరుణంలో గంగూబాయి కఠియావాడి రికార్డును బ్రేక్ చేసింది.
Advertisement
జవాన్ మూవీ అక్టోబర్ 30 నుంచి నవంబర్ 10 మధ్యనే ఏకంగా 1.50 కోట్ల మంది వాచింగ్ హవర్స్ నమోదు చేయడం విశేషం. గతంలో ఆలియా భట్ నటించిన గంగూబాయి కఠియావాడి పేరు మీద ఈ రికార్డు ఉండేది. ఈ సినిమా 1.38 కోట్లు వాచింగ్ హవర్స్ నమోదు చేసింది. జవాన్ మూవీ ఓటీటీ స్ట్రీమింగ్ కోసం ఎంతో ఆసక్తిగా ఎదురుచూసిన ఫ్యాన్స్.. ఈ సినిమా వచ్చి రాగానే ఎగబడి చూసేశారు. హిందీతో పాటు తెలుగు, తమిళ వెర్షన్లు కూడా నెట్ ఫ్లిక్స్ లోనే స్ట్రీమ్ అవుతున్నాయి. నెట్ ఫ్లిక్స్ టాప్ ట్రెండింగ్ మూవీస్ లో జవాన్ హిందీ వెర్షన్ ఫస్ట్ ప్లేస్ లో ఉండగా.. తెలుగు వర్షన్ 5, తమిళ వెర్షన్ 8వ స్థానాల్లో ఉండటం విశేషం.
Advertisement
గత ఏడాది టాలీవుడ్ తో పాటు పాన్ ఇండియా స్థాయిలో రిలీజ్ సంచలనం సృష్టించిన ఆర్ఆర్ఆర్ సినిమా రికార్డుకు కూడా జవాన్ చేరువవుతోంది. ప్రస్తుతం నెట్ ఫ్లిక్స్ లో అత్యధిక మంది చూసిన ఇండియన్ మూవీ రికార్డు ఆర్ఆర్ఆర్ పేరిమీదనే ఉంది. ఈ మూవీ ఏకంగా 1.84 కోట్ల వ్యూయింగ్ హవర్స్ నమోదు చేయడం విశేషం. జవాన్ జోరు చూస్తుంటే.. ఈ రికార్డు బ్రేక్ చేయడం ఖాయంగా కనిపిస్తోంది. బాక్సాఫీస్ దగ్గర కూడా జవాన్ దుమ్ము రేపిన విషయం తెలిసిందే. ప్రపంచవ్యాప్తంగా రూ.1000 కోట్లకు పైగా వసూలు చేసింది. పఠాన్ తర్వాత ఒకే ఏడాది రూ.1000 కోట్ల కలెక్షన్ల సినిమాలు రెండు ఇచ్చిన తొలి హీరోగా షారుక్ నిలిచాడు. అట్లీ దర్శకత్వం వహించిన జవాన్ మూవీలో నయనతార, దీపికా పదుకోన్, విజయ్ సేతుపతి, ప్రియమణి నటించారు.
మరిన్ని టాలీవుడ్ న్యూస్ కోసం ఇవి చూడండి. తెలుగు న్యూస్ కోసం వీటిని వీక్షించండి.
