రామ్ చరణ్‌ ‘గేమ్‌ ఛేంజర్’ సాంగ్ లీక్.. ఇద్దరూ అరెస్ట్‌

గ్లోబల్ స్టార్ రామ్ చరణ్ హీరోగా సెన్సేషనల్ డైరెక్టర్ శంకర్ దర్శకత్వంలో రూపొందుతున్న భారీ బడ్జెట్ పాన్ ఇండియా మూవీ గేమ్ చేంజర్. ఎన్నో సూపర్ డూపర్ బ్లాక్ బస్టర్ చిత్రాలను రూపొందించిన ప్రముఖ నిర్మాణ సంస్థ శ్రీ వెంకటేశ్వర సినీ క్రియేషన్స్ బ్యానర్ ఈ మూవీని నిర్మిస్తోంది. భారీ బడ్జెట్ తో నిర్మాతలు దిల్ రాజు, శిరీష్ అండ్ కాంప్రమైజ్డ్ గా అంచనాలను ధీటుగా గేమ్ చేంజర్ ను నిర్మిస్తున్నారు. RRR వంటి సెన్సేషనల్ బ్లాక్ బస్టర్ మూవీ తర్వాత రామ్ చరణ్ చేస్తున్న సినిమా కావటంతో గేమ్ చేంజర్ పై భారీ అంచనాలు నెలకొన్నాయి. గేమ్ చేంజర్ సినిమా నుంచి గతంలో ఓ పాట లీక్ అయింది. దీనిపై నిర్మాత దిల్ రాజు ఆగ్రహం వ్యక్తం చేసిన సంగతి తెలిసిందే. ఆ సమయంలో సాంగ్ లీక్ పై సైబర్ పోలీస్ స్టేషన్ లో ఫిర్యాదు చేశారు.

ఈ లీక్ లో భాగమైన ఇద్దరినీ పోలీసులు అరెస్ట్ చేశారు. భవిష్యత్తులో మళ్లీ ఇలాంటి లీకులు చేయొద్దని హెచ్చరించారు. సైబర్ క్రైమ్ ఏసీసీ చాంద్ భాషా, ఎస్సై శ్రీ భాస్కర్ రెడ్డి, శ్రీ ప్రసేన్ రెడ్డి, శ్రీ సాయి తేజ్ గార్ల బృందం ఈ కేసును చేధించారు. సాంగ్ లీక్ చేసిన ఇద్దరు వ్యక్తులను అరెస్టు చేశారు. వీరి మీద ఐటీ చట్టంలోని సెక్షన్ 66సీ, 66 ఆర్/ డబ్ల్యూ కింద కేసు నమోదు చేశారు. దీపావళి సందర్భంగా గేమ్ చేంజర్ సినిమా నుంచి తొలి సాంగ్ ను విడుదల చేస్తున్నారు. మెగా పవర్ స్టార్ రామ్ చరణ్, సెన్సేషనల్ డైరెక్టర్ శంకర్ లతో పాటు మ్యూజిక్ సెన్సేషన్ ఎస్. ఎస్.తమన్ కలిసి తొలిసారి వర్క్ చేస్తున్న గేమ్ చేంజర్ సినిమా నుంచి పాటను పాన్ ఇండియా రేంజ్ లో దీపావళికి గ్రాండ్ లెవెల్లో రిలీజ్ చేయటానికి సన్యాహాలు చేస్తున్నామని చిత్ర యూనిట్ తెలిపింది.

సౌత్ ఇండియన్ సినిమా రేంజ్ ను నెక్స్ట్ లెవెల్ కి తీసుకెళ్లిన సెన్సేషనల్ డైరెక్టర్ శంకర్ మేకింగ్ ఎలా ఉంటుందో ప్రత్యేకంగా చెప్పనక్కర్లేదు. ఇప్పటివరకు ఆయన తెరకెక్కించిన సినిమాలను మించేలా గేమ్ చేంజర్ ను ఆయన రూపొందిస్తున్నారు. పవర్ ఫుల్ రోల్ లో చరణ్ ను ప్రజెంట్ చేస్తున్నారు శంకర్. ప్రస్తుతం సినిమా షూటింగ్ శరవేగంగా జరగబోతున్న సంగతి తెలిసిందే. గేమ్ చేంజర్ సినిమాలో కియారా అద్వానీ హీరోయిన్ గా నటిస్తోంది. అలాగే అంజలి, సముద్రఖని, ఎస్.జె.సూర్య, శ్రీకాంత్, సునీల్, నవీన్ చంద్ర తదితరులు కీలక పాత్రలు పోషిస్తున్నారు. తమన్ స్వరాలు సమకూరుస్తుండగా, సాయి మాధవ్ బుర్రా సంభాషణలు అందిస్తున్నారు.

మరిన్ని తెలుగు సినిమా వార్తల కోసం ఇవి చూడండి! తెలుగు న్యూస్ కోసం వీటిని చూడండి!