చిరంజీవి శంక‌ర్ కాంబినేష‌న్ లో రావాల్సిన “ఒకేఒక్క‌డు”..కానీ తెర‌వెన‌క ఏం జరిగిందంటే..?

దేశ‌వ్యాప్తంగా క్రేజ్ ఉన్న డైరెక్ట‌ర్ ల‌లో శంక‌ర్ కూడా ఒక‌రు. ఆయ‌న డైరెక్ష‌న్ లో ఎన్నో అద్భుత‌మైన సినిమాలు వ‌చ్చాయి. భార‌తీయుడు, రోబో, అప‌రిచితుడు లాంటి సినిమాల‌తో శంక‌ర్ రికార్డులు క్రియేట్ చేశాడు. అయితే ఐ సినిమా త‌ర‌వాత శంక‌ర్ కు స‌రైన హిట్ ప‌డ‌లేదు. రోబో 2 కూడా నెటిగిట్ టాక్ ను సొంతం చేసుకుంది. ఇక ప్రస్తుతం శంకర్ రామ్ చ‌ర‌ణ్ హీరోగా ఓ సినిమా చేస్తున్నాడు. ఈ సినిమాను భారీ బ‌డ్జెట్ తో పొలిటిక‌ల్ డ్రామాగా తెర‌కెక్కిస్తున్న‌ట్టు తెలుస్తోంది.

ఈ సినిమాలో రామ్ చ‌రణ్ డ్యూయ‌ల్ రోల్ చేస్తున్నారు. ఈ సినిమాను పాన్ ఇండియా రేంజ్ లో తెరకెక్కిస్తున్నారు. ఇదిలా ఉంటే శంక‌ర్ ద‌ర్శ‌క‌త్వంలో చిరంజీవి కూడా ఓ సినిమా చేయాల్సి ఉంది. అర్జున్ హీరోగా న‌టించిన ఒకే ఒక్క‌డు సినిమాలో చిరంజీవి న‌టించాల్సి ఉంది. శంక‌ర్ ఆ సినిమా కోసం చిరును సంప్ర‌దించ‌గా అప్ప‌టికే వేరే సినిమాల‌కు గ్రీన్ సిగ్న‌ల్ ఇవ్వ‌డం డేట్స్ లేక‌పోవ‌డంతో చిరు రిజక్ట్ చేశారు. ఆ త‌ర‌వాత శంక‌ర్ అర్జున్ హీరోగా ఆ సినిమాను తెర‌కెక్కించాడు.

అలా వ‌చ్చిన ఒకే ఒక్క‌డు సినిమా బ్లాక్ బ‌స్ట‌ర్ గా నిలిచింది. ఇక ఓ సినిమా ఫంక్ష‌న్ లో చిరంజీవి మాట్లాడుతూ…శంక‌ర్ తో సినిమా చేయ‌మ‌ని ర‌జినీకాంత్ చెప్పాడ‌ని అన్నారు. శంక‌ర్ సినిమా ఇప్పుడు చేద్దాం అంటే నేను రెడీ అంటూ వ్యాఖ్యానించారు. ఇక ప్ర‌స్తుతం చ‌ర‌ణ్ తో శంక‌ర్ సినిమా చేస్తున్నాడు. మ‌రి ఈ గ్యాప్ లోనే శంక‌ర్ చిరు కోసం కూడా ఓ క‌థ‌ను రాసుకుని ఒప్పిస్తే వారిద్ద‌రి కాంబో సినిమా వ‌చ్చిన‌ట్టే.

ALSO READ : అలా పిలిస్తే చాలా హ్యాపీగా ఫీల్ అవుతా.. రమ్యకృష్ణ కామెంట్స్ వైరల్..!