అందాలతార సమంత నటించిన శాకుంతలం సినిమా రీసెంట్ గా ప్రేక్షకుల మందుకు వచ్చింది. ఈ సినిమాను దర్శకుడు గుణశేఖర్ అభిజ్ఞానశాకుంతం అనే పౌరాణికనాటకం ఆధారంగా తెరకెక్కించారు. ఈ సినిమాలో మలయాళ నటుడు దేవ్ మోహన్ దుశ్యంతుడి పాత్రలో నటించాడు. అంతే కాకుండా అల్లు అర్జున్ కుమార్తె అర్హ కూడా ఈ సినిమాలో ముఖ్యమైన పాత్రలో నటించింది.
Advertisement
ఇక ఈ సినిమాను గుణశేఖర్ భారీ అంచనాల నడుమ తెరెక్కించారు. అయితే సినిమా మాత్రం పాజిటివ్ టాక్ ను సొంతం చేసుకోలేకపోయింది. గుణశేఖర్ ఈ సినిమాను విజువల్ వండర్ గా తీర్చిదిద్దాలని అనుకున్నారని కానీ ఆ ఫార్ములా కూడా జనాలను మెప్పించలేదు. ఈ సినిమా స్లో ఉండటం ఎమోషనల్ గా ప్రేక్షకులకు కనెక్ట్ అవ్వకపోవడంతో ప్రేక్షకులు నిరాశచెందుతున్నారు.
Advertisement
ఇక ఈ సినిమాకు నష్టాలు వచ్చే అవకాశాలు ఉన్నాయని విశ్లేషకులు అభిప్రాయపడుతున్నారు. ఈ సినిమాను 40 కోట్ల బడ్జెట్ తో తెరకెక్కించాలని గుణశేకర్ అనుకున్నారట. కానీ బడ్జెట్ 65 కోట్లు దాటిందని టాక్. మరోవైపు ఈ సినిమాకు ప్రీరిలీజ్ బిజినెస్ కూడా 20 కోట్లు మాత్రమే జరిగినట్టు గుసగుసలు వినిపిస్తున్నాయి.
ఈ సినిమాతో నిర్మాతలకు నష్టాలు రావడంతో పాటూ సమంతకు కూడా మైనస్ అయ్యే అవకాశాలు ఉన్నాయి. ఇటీవల సమంత నటించిన యశోద సినిమా మిక్స్డ్ టాక్ ను సొంతం చేసుకుంది. ఇప్పుడు శాకుంతలం నెగిటివ్ టాక్ ను సొంతం చేసుకుంది. దాంతో సమంతకు ఫ్యూచర్ ప్రాజెక్ట్ ల పరంగా కష్టాలు తప్పవని విశ్లేషకులు అభిప్రాయపడుతున్నారు.
ALSO READ :ఏపీ సీఎం జగన్ పరువు తీసిన శ్రీ రెడ్డి..అవమానిస్తున్నాడంటూ !
