నందమూరి హీరో తారకరత్న గుండెపోటు కారణంగా ఆసుపత్రిలో చేరిన సంగతి తెలిసిందే. నారా లోకేష్ చేపడుతున్న యువగలం పాదయాత్రలో తారకరత్న పాల్గొన్నారు. ఆ తర్వాత వెంటనే సిబ్బంది కార్యకర్తలు తారకరత్నను కుప్పంలోని స్థానిక ఆసుపత్రికి తరలించారు. అక్కడ డాక్టర్ లు తారకరత్న గుండెపోటుతో పడిపోయారని నిర్ధారించారు.
Manchu Manoj
ఆ తర్వాత ఆయనకు ప్రాథమిక చికిత్స అందించారు. అక్కడ నుండి ప్రత్యేక వైద్య బృందంతో అంబులెన్స్ లో బెంగుళూరులోని నారాయణ హృదయాల ఆస్పత్రికి తరలించారు. ప్రస్తుతం తారకరత్న ఆరోగ్య పరిస్థితి క్రిటికల్ గా ఉందని నారాయణ హృదయాల వైద్యులు హెల్త్ బులిటెన్ విడుదల చేశారు. అంతేకాకుండా నేడు ఎన్టీఆర్ కళ్యాణ్ రామ్ కుటుంబ సభ్యులతో కలిసి బెంగళూరు వెళ్లి తారకరత్నను పరామర్శించారు. ఇదిలా ఉంటే తారకరత్న ఆరోగ్యం పై మంచు మనోజ్ కీలక వ్యాఖ్యలు చేశారు.
Advertisement
Advertisement
త్వరలోనే తారకరత్న కోలుకుని బయటకు వస్తారని చెప్పారు. అతను స్ట్రాంగ్ ఫైటర్ అని మనోజ్ కామెంట్ చేశారు. తారకరత్న మళ్లీ వచ్చి యాక్టివ్ గా తిరుగుతారని చెప్పారు. తారకరత్న కోలుకుంటారని తనకు వందశాతం నమ్మకం ఉందని డాక్టర్ లు సైతం చాలా కాన్ఫిడెన్స్ గా ఉన్నారని మనోజ్ వ్యాఖ్యానించారు. మనోజ్ చేసిన చేసిన కామెంట్ లతో నందమూరి అభిమానులు మరియు కార్యకర్తలు సంతోషం వ్యక్తం చేస్తున్నారు.
