నాగచైతన్య కెరీర్ లోని బ్లాక్ బస్టర్ చిత్రాలలో ఏమాయ చేసావే సినిమా ఒకటి. తమిళ్ లో ఇదే సినిమాలో శింబు త్రిష హీరో హీరోయిన్లుగా నటించగా తెలుగులో నాగచైతన్య సమంతలు జంటగా నటించారు. ఈ సినిమా ద్వారానే మొదట నాగచైతన్యకు నటుడిగా మంచి గుర్తింపు వచ్చింది. అంతే కాకుండా లవర్ బాయ్ గా కూడా చైతూకు పేరు వచ్చింది. ఇక ఈ సినిమాకు క్లాసిక్ ప్రేమకథల దర్శకుడు గౌతమ్ మీనన్ దర్శకత్వం వహించారు.
Advertisement
సినిమాలో హీరో కంటే హీరోయిన్ పెద్ద వయసు కావడం అనే సరికొత్త కాన్స్పెట్ తో ఈ చిత్రం తెరకెక్కింది. సింపుల్ అండ్ స్వీట్ గా ఉండే ఈ సినిమా ప్రేక్షకులను ఎంతగానో అలరించింది. సినిమాలోని పాటలు కూడా ఆల్ టైమ్ హిట్ గా నిలిచాయి.
Advertisement
ఇక ఇదే సినిమాతో సమంత టాలీవుడ్ కు పరిచయం అవ్వగా మొదటి సినిమాతోనే కుర్రకారు మనసు దోచుకుని వరుస ఆఫర్లను దక్కించుకుంది. అయితే ఈ సినిమాకు మొదటగా మత్రం గౌతమ్ మీనన్ నాగచైతన్యను హీరోగా అనుకోలేదు. టాలీవుడ్ లో ఓ స్టార్ హీరోను పెట్టి చేయాలని అనుకున్నారు. ఆ స్టార్ హీరో మరెవరో కాదు ప్రిన్స్ మహేశ్ బాబు. గౌతమ్ మీనన్ ఈ సినిమా కథను మొదటగా మహేశ్ బాబుకు వినిపించారట.
Mahesh babu
కానీ మహేశ్ బాబు ఈ సినిమాకు నో చెప్పేశారు. దాంతో గౌతమ్ మీనన్ ఈ సినిమా కథతో నాగచైతన్య వద్దకు వెళ్లారు. కథ నచ్చడంతో చైతూ సినిమాకు గ్రీన్ సిగ్నల్ ఇచ్చారు. అలా ఏమాయ చేసావే సినిమా పట్టాలెక్కింది. నిజానికి చైతూకు ఈ సినిమా కథ చాలా బాగా సెట్ అయ్యింది. అయితే ఈ కథలో మహేశ్ బాబు నటించి ఉంటే ఎలా ఉండేదో మీరే ఊహించుకోవాలి.
