శివాజీ లో విలన్ పాత్ర చేసే ఛాన్స్ సుమన్ కు ఎలా వచ్చింది…? దాని వెనక ఇంత మ్యాటర్ ఉందా…?

తమిళ స్టార్ డైరెక్టర్ శంకర్ అంటే ఇండియా వ్యాప్తంగా పరిచయం అక్కర్లేని పేరు. శంకర్ ఎన్నో బ్లాక్ బస్టర్ హిట్స్ ను ఇండస్ట్రీకి ఇచ్చాడు. రాజమౌళి కంటే ముందు శంకర్ కు సౌత్ నుండి ఇండియా వ్యాప్తంగా క్రేజ్ వచ్చింది. తమిళ స్టార్ హీరోలు అందరి తొనూ శంకర్ సినిమాలు చేశాడు. అలా శంకర్ చేసిన చేసిన బ్లాక్ బస్టర్స్ లో శివాజీ సినిమా ఒకటి.

ఈ సినిమాలో రజినీ కాంత్ హీరోగా నటించాడు. శ్రేయా ఈ సినిమాలో హీరోయిన్ గా నటించింది. ఈ సినిమా అప్పట్లో సూపర్ డూపర్ హిట్ అయ్యింది. ఇక ఈ సినిమాలో రజినీని ఢీ కొట్టే పాత్రలో సుమన్ విలన్ గా నటించాడు. సుమన్ ఈ సినిమా కంటే ముందు హీరోగా చాలా సినిమాల్లో నటించిన సంగతి తెలిసిందే.

హీరోగా ఎన్నో సూపర్ హిట్స్ చేసిన సుమన్ శివాజీ లో విలన్ గా నటించడం అందరినీ ఆశ్చర్యపరిచింది. అయితే ఈ సినిమాలో విలన్ పాత్ర కోసం శంకర్ సుమన్ ను అనుకోలేదు. ఆ పాత్ర కోసం శంకర్ చాలా మంది విలన్ ల పేర్లను పరిశీలించారు. కానీ ఒక్కసారిగా ఆయనకు ఈ పాత్ర సుమన్ చేస్తే బాగుంటుంది అనిపించింది. దాంతో వెంటనే సుమన్ ను సంప్రదించారు. ఇక సుమన్ కూడా ఒకప్పుడు హీరోగా చేశాను నేను విలన్ ఏంటి అని అనుకోలేదు. కథ నచ్చడంతో గ్రీన్ సిగ్నల్ ఇచ్చారు. అలా సుమన్ ఈ సినిమాలో విలన్ పాత్ర కోసం ఫిక్స్ అయ్యారట.