వశిష్ట మూవీలో చిరంజీవి రోల్ ఇదే… ఈసారి ఎంటర్టైన్మెంట్ మాములుగా ఉండదు…!

మెగాస్టార్ చిరంజీవి రీఎంట్రీ ఇచ్చిన తర్వాత కాస్త ఇబ్బంది పడుతున్నారు. సరైన హిట్టు కోసం చూస్తున్నారు మెగాస్టార్ చిరంజీవి. వరుస సినిమాలు తో మెగాస్టార్ చిరంజీవి దూసుకుపోతున్నారు. ఈ వయసులో కూడా అదే ఊపుతో నటించడం గొప్ప విషయం. ఈతరం హీరోలకి కూడా గట్టి పోటీని ఇస్తున్నారు కానీ కొంచెం సినిమాలు పరంగా ఇబ్బంది పడుతున్నారు. చిరంజీవి వశిష్ట కాంబినేషన్లో ఒక సినిమా రాబోతున్న విషయం తెలిసిందే. యువీ క్రియేషన్స్ పై విక్రమ్, వంశీ, ప్రమోద్ ఈ సినిమాని నిర్మిస్తున్నారు.

ఇప్పటికే ఈ సినిమాకి సంబంధించి ఎన్నో వార్తలయితే వస్తున్నాయి. విశ్వంభర అనే టైటిల్ ని పరిశీలిస్తున్నట్లు తెలుస్తోంది. తాజాగా వచ్చిన సమాచారం ప్రకారం ఇందులో చిరంజీవి పాత్ర గురించి కొన్ని విషయాలు తెలుస్తున్నాయి. ఇందులో చిరంజీవి భీమవరం దొరబాబు అనే పాత్రలో నటించబోతున్నారు. ఈ సినిమా భీమవరం నేపథ్యంలో మొదలు కాబోతోంది ఇందులో చిరంజీవి లుక్, గెటప్ కూడా విలక్షణంగా ఉండబోతున్నాయి.

చిరంజీవిలో చాలా మంచి కామెడీ టైమింగ్ ఉంటుందని ఈ కామెడీ టైమింగ్ తో ప్రేక్షకుల్ని ఎంటర్టైన్ చేయబోతున్నారని తెలుస్తోంది. దొరబాబు పాత్ర నవ్వుల్ని పంచుతూనే సాహస యాత్రకి తీసుకెళ్తుందట. ఈ పాత్ర ప్రయాణం గమ్మత్తుగా ఉంటుందని తెలుస్తోంది విజువల్ ఎఫెక్ట్స్ కి ప్రాధాన్యత ఉన్న ఈ సినిమాలో చిన్నారుల్ని అలరించే అంశాలు కూడా ఉన్నట్లు తెలుస్తోంది మరి చిరంజీవి వశిష్ట సినిమాతో సక్సెస్ ని అందుకుంటారా లేదా అనేది చూడాల్సి ఉంది.

తెలుగు సినిమా వార్తల కోసం ఇవి చూడండి! తెలుగు న్యూస్ కోసం వీటిని చూడండి!