మెగాస్టార్ చిరంజీవి సినిమా ఇండస్ట్రీలో ఎలాంటి బ్యాగ్రౌండ్ లేకుండా వచ్చి సొంత టాలెంట్ తో స్టార్ గా మారిపోయారు. ప్రస్తుతం సినిమా ఇండస్ట్రీకే పెద్ద దిక్కుగా మారిపోయారు. ఇక చిరంజీవి కెరీర్ లో ఎన్నో బ్లాక్ బస్టర్ సినిమాలు ఉన్నాయి. ఫ్లాప్ ల విషయానికి వస్తే మెగాస్టార్ కెరీర్ లో చాలా తక్కువ ఫ్లాప్స్ ను చూశారు. ఇదిలా ఉండగా చిరంజీవి హీరోగా నటించాల్సిన కొన్ని క్రేజీ ప్రాజెక్ట్స్ మధ్యలోనే ఆగిపోయాయి.
Advertisement
అవేంటో ఇప్పుడు చూద్దాం….చిరంజీవి అశ్వినిదత్ కాంబినేషన్ భూలోకవీరుడు అనే సినిమాను అనుకున్నారు. ఈ సినిమాకు సింగీతం శ్రీనివాస్ దర్శకత్వం వహిచాల్సి ఉండగా కథలో తేడా అనిపించి ఈ సినిమాను మధ్యలోనే ఆపేశారు. ఆర్జీవి చిరుల కాంబినేషన్ లో ఇలాంటి సినిమానే మరొకటి అనుకున్నారు. ఊర్మిళ, టబులను హీరోయిన్ లుగా తీసుకున్నారు. ఒక పాట కూడా షూటింగ్ పూర్తయ్యింది.
Advertisement
కానీ ఈ సినిమా కూడా మధ్యలోనే ఆగిపోయింది. అబు అనే పాన్ ఇండియా సినిమాను అప్పుడే మొదలు పెట్టారు. గజదొంగ కథతో ఈ సినిమా తెరకెక్కాల్సింది. నిజానికి ఈ సినిమాను భారీ బడ్జెట్ తో హాలీవుడ్ రేంజ్ లో అనుకున్నారు. కానీ ఈ సినిమా కూడా మధ్యలోనే ఆగిపోయింది. అదే విధంగా శ్రీదేవి చిరంజీవి హీరో హీరోయిన్ లుగా వజ్రాల దొంగ అనే క్రేజీ ప్రాజెక్ట్ మొదలయ్యింది.
ఈ సినిమాను కోదండరామిరెడ్డి ప్లాన్ చేశారు. కానీ ఈ సినిమా కూడా కొన్ని కారణాల వల్ల మధ్యలోనే ఆగిపోయింది. ఎస్వీ కృష్ణారెడ్డి దర్శకత్వంలో చిరంజీవి హీరోగా ఓ సినిమా అనుకున్నారు. పూజా కార్యక్రమాలు కూడా పూర్తయ్యాయి. కానీ ఈ సినిమా కూడా మధ్యలోనే ఆగిపోయింది. అదే విధంగా వరుస లవ్ స్టోరీలతో సూపర్ హిట్స్ అందుకున్న వీఎన్ ఆదిత్య చిరంజీవి తో ఓ సినిమా ప్లాన్ చేశారు. ఇక ఈ సినిమాకు కూడా బ్రేక్ పడిపోయింది. ఇలా చిరు కెరీర్ లో ఎన్నో సినిమాలు మధ్యలోనే ఆగిపోయాయి.
