చిక్కుల్లో రోజా భ‌ర్త‌…అరెస్ట్ వారెంట్ జారీ…!

టాలీవుడ్ న‌టి, ఎమ్మెల్యే రోజా భ‌ర్త సెల్వ‌మ‌ణి చిక్కుల్లో ప‌డ్డారు. సెల్వ‌మ‌ణిపై అరెస్ట్ వారెంట్ జారి అయ్యింది. 2016 సంవ‌త్స‌రంలో సెల్వ‌మ‌ణి, కాంగ్రెస్ మాజీ ఎమ్మెల్యే అరుల్ అన్బ‌ర‌సు ఓ టీవీ ఛాన‌ల్ కు ఇంట‌ర్వ్యూ ఇచ్చారు. ఈ ఇంట‌ర్వ్యూలో ఫైనాన్షియ‌ర్ ముకుంద్ చంద్ బోంద్రా పై ఆరోప‌ణ‌లు చేశారు. దాంతో వీరిద్ద‌రిపై బోద్రా జార్జిటౌన్ కోర్టులో పురువున‌ష్టం దావా వేశారు. కానీ ఆ త‌ర‌వాత ఆయ‌న మ‌ర‌ణించారు.

అయితే ఆయ‌న మ‌ర‌ణానంత‌రం ఈ కేసును కుమారుడు గ‌గ‌న్ బోద్రా కొన‌సాగిస్తున్నారు. నిన్న ఈ కేసు విచార‌ణ‌కు వ‌చ్చింది. కానీ సెల్వ‌మ‌ణి, అరుల్ విచార‌ణ‌కు డుమ్మా కొట్టారు. వారిద్ద‌రు మాత్ర‌మే కాకుండా వారి త‌ర‌పున న్యాయ‌వాదులు కూడా విచార‌ణ‌కు డుమ్మాకొట్టారు. ఈ నేప‌థ్యంలో వారిద్ద‌రికీ బెయిలెబుల్ అరెస్ట్ వారెంట్ ను కోర్టు జారీ చేసింది. అంతే కాకుండా ఈ నెల 23కు విచార‌ణ‌ను వాయిదా వేసింది.