లగ్జరీ విల్లా కొనుగోలు చేసిన విరుష్క దంపతులు… ఎన్ని కోట్లు తెలుసా?

విరాట్ కోహ్లీ మోస్ట్ పాపులర్ క్రికెటర్.  ఆయన గురించి ఎంత చెప్పినా తక్కువే అవుతుంది. ఈ మధ్యకాలంలో అనుకున్నంతగా ఆడలేక పోతున్న కోహ్లీ క్రేజ్ మాత్రం ఏమాత్రం తగ్గలేదు. తగ్గదు కూడా. ఇప్పటికీ ఫ్యాన్ ఫాలోయింగ్ లో నంబర్ వన్ గానే ఉన్నాడు. భారత క్రికెటర్ల సంపాదన లోను ఇప్పటికీ కోహ్లీ కింగ్. కాగా తాజాగా విరాట్ కోహ్లీ భారీ ఖర్చుతో ఒక కొత్త ఇల్లు కొన్నాడు. ముంబైలోని ఆలీబాగ్ లో ఈ ఇంటిని కొన్నట్లు తెలుస్తోంది. ఇక్కడ చేపట్టిన లగ్జరీ బంగ్లాకు ప్రాజెక్టు ఆవాస్ విలేజ్ లో ఒక ఇంటిని కోహ్లీ కొన్నాడు.

మొత్తం 2వేల చదరపు అడుగులు విస్తీర్ణంలో ఉన్న ఈ ఇంటిని రూ. 6 కోట్లకు కోహ్లీ కొన్నట్లు సమాచారం. చాలా అందంగా నిర్మించిన ఈ ఇళ్లకు సెలబ్రిటీలలో మంచి డిమాండ్ ఉన్నట్లు ప్రాజెక్టు నిర్వాహకులు చెప్తున్నారు. సహజసిద్ధమైన అందం ఉండటంతో ఆవాస్ లో ఇల్లు కొనేందుకు చాలా మంది ఉత్సాహం చూపుతున్నారు. అంతేకాదు ఇక్కడికి మండ్వా జట్టి కేవలం ఐదు నిమిషాల దూరంలోనే ఉంటుంది. ఇక్కడ నుంచి స్పీడ్ బోట్లపై ముంబై వెళ్లడానికి కేవలం 15 నిమిషాలు పడుతుందంతే అని

ఆవాస్ లివింగ్ ప్రాజెక్టు లీగల్ కన్సల్టెంట్ గా ఉన్న మహేష్ మాత్రే తెలిపారు. ప్రస్తుతం ఆస్ట్రేలియా టూర్ వల్ల కోహ్లీ బిజీగా ఉన్నాడని, దీంతో అతని సోదరుడు వికాస్ కోహ్లీ ఈ ఇంటి రిజిస్ట్రేషన్ ప్రక్రియ పూర్తి చేశాడని మాత్రే వెల్లడించారు. రూ.36 లక్షలు కోహ్లీ చెల్లించారని, ఈ డీల్ లో భాగంగా అతనికి 400 చదరపు అడుగుల విస్తీర్ణం ఉండే స్విమ్మింగ్ పూల్ కూడా లభిస్తుందని తెలుస్తోంది.

READ ALSO : IPL 2023 : ఢిల్లీ క్యాపిటల్స్ కొత్త కెప్టెన్ ఎవరంటే..? అక్షర్ పటేల్ కు బంపర్ ఆఫర్