చివరి కోరిక తీరకుండానే మరణించిన కైకాల..! ఇంతకీ ఆయన ఆఖరి కోరిక ఏమిటంటే..?

తెలుగు చిత్ర పరిశ్రమలో ఎన్నో విభిన్నమైన పాత్రలలో నటించి ప్రేక్షకుల మదిలో ఆయనకంటూ ఓ ప్రత్యేక స్థానాన్ని సంపాదించుకున్నారు నవరస నటసార్వభౌముడు కైకాల సత్యనారాయణ. కైకాల దాదాపు 750 కి పైగా సినిమాల్లో నటించి మెప్పించారు.

ముఖ్యంగా యముడి పాత్ర అనగానే ముందుగా గుర్తుకు వచ్చే పేరు కైకాల సత్యనారాయణ.  నిజంగా యమధర్మ రాజు ఇలానే ఉంటారా అనే విధంగా ఆయన నటన ఉండేది. కైకాల కెరియర్ ఆరంభంలో జూనియర్ ఆర్టిస్ట్ గా, నందమూరి తారక రామారావుకి డూప్ గా నటించేవారు.

ఆ తర్వాత హీరోగా, విలన్ గా, క్యారెక్టర్ ఆర్టిస్ట్ గా ఎన్నో చిత్రాలలో అనేక పాత్రలు నటించి ప్రేక్షకులను మెప్పించారు. వైవిధ్య పాత్రలకు కైకాల కేరాఫ్ అడ్రస్ గా నిలిచారు. కైకాల సత్యనారాయణ దాదాపు నాలుగు తరాల నటులతో నటించి తెలుగు చిత్ర సీమలో ఆయనకంటూ ఒక ప్రత్యేక స్థానాన్ని ఏర్పరచుకున్నారు. ఆయన చివరిగా మహేష్ బాబు నటించిన మహర్షి సినిమాలో నటించారు.  వయోభారంతో సినిమాలకు దూరంగా ఉన్న ఆయన గత ఏడాది డిసెంబర్ 23న కన్నుమూశారు. కైకాల మరణించే నాటికి ఆయనకు ఒక చివర కోరిక మిగిలి ఉందట. ఇక ఆయన ఆఖరి కోరిక నెరవేరుకుండానే కైకాల చనిపోయారని తెలుస్తుంది. ఇంతకీ కైకాల ఆఖరి కోరిక ఏమిటంటే..

ఎన్టీఆర్ ఏఎన్ఆర్ వంటి స్టార్ హీరోలు నటించిన మల్టీ స్టార్ చిత్రాలలో నటించి మెప్పించారు కైకాల సత్యనారాయణ. ఆయనకు మొదటి నుంచి కూడా మల్టీస్టారర్ సినిమాలలో నటించాలని ఎంతో ఆసక్తి ఉండేదట. ముఖ్యంగా టాలీవుడ్ లో అగ్ర హీరోలుగా గుర్తింపు సంపాదించుకున్న చిరంజీవి,బాలకృష్ణ ఇద్దరు కలిసి మల్టీ స్టార్ సినిమా చేస్తే కనుక వారి సినిమాలో నటించాలని కైకాలకు కోరిక బలంగా ఉండేదట. ఈ విషయాన్నే అనేకసార్లు చిరంజీవి దగ్గర కూడా ప్రస్తావించారని తెలుస్తోంది. అయితే ఆఖరీ కోరిక తీరుకుండానే కైకాల చనిపోయారని తెలుస్తుంది. ఇక చిరు, బాలయ్య తర్వాత తరం వారసులైన ఎన్టీఆర్, రామ్ చరణ్ కలిసి నటించిన ఆర్ఆర్ఆర్ చిత్రం చూసి ఆయన ఎంతో సంతోషించారట. మరి కైకాల ఆఖరి కోరికను భవిష్యత్తులోనైనా చిరంజీవి, బాలకృష్ణ నెరవేరుస్తారా..? లేదా అనేది వేచి చూడవలసిందే..

మరిన్ని వార్తలు

King of Kotha : “కింగ్ ఆఫ్ కొత్త” సినిమా రివ్యూ…దుల్కర్ సల్మాన్ ఖాతాలో మరో హిట్

అక్కినేని అమల వల్ల నరకం అనుభవించా…. హీరోయిన్ సమంత కామెంట్స్ ?

ఎన్టీఆర్ తో మూవీ ఛాన్స్ వస్తే..ఏడుసార్లు రిజెక్ట్ చేసిన హీరోయిన్ ఎవరో తెలుసా..?