చిరంజీవి కంటే బాలయ్యే ఎక్కువ కష్టపడతారు…నిర్మాత షాకింగ్ కామెంట్స్..!

తెలుగు సినిమా ఇండస్ట్రీలో సీనియర్ స్టార్ ప్రొడ్యూసర్ లలో ఒకరు అయినటువంటి అశ్విని దత్ గురించి ప్రత్యేకంగా తెలుగు సినీ ప్రేమికులకు పరిచయం చేయాల్సిన అవసరం లేదు. అశ్విని దత్ ఇప్పటికే వైజయంతి మూవీస్ బ్యానర్ పై ఎంతోమంది స్టార్ హీరోలతో సినిమాలను నిర్మించడం మాత్రమే కాకుండా ఎంతోమంది యంగ్ హీరోలతో కూడా సినిమాలను నిర్మించి అద్భుతమైన గుర్తింపును సంపాదించుకున్నాడు.

ఇది ఇలా ఉంటే అశ్విని దత్ ఈ మధ్యకాలంలో మహానటి … జాతి రత్నాలు … సీతా రామం అనే సినిమాలను నిర్మించాడు. ఈ మూడు మూవీలు కూడా బాక్స్ ఆఫీస్ దగ్గర గొప్ప విజయాలను అందుకోవడం మాత్రమే కాకుండా ఈ బ్యానర్ కు కూడా గొప్ప పేరును తీసుకువచ్చాయి. ప్రస్తుతం అశ్విని దత్ ప్రభాస్ హీరోగా రూపొందుతున్న ప్రాజెక్ట్ కే అనే పాన్ వరల్డ్ మూవీని నిర్మిస్తున్నాడు. నాగ్ అశ్విన్ దర్శకత్వంలో రూపొందుతున్న ఈ సినిమాలో దీపికా పదుకొనే హీరోయిన్గా నటిస్తూ ఉండగా అమితా బచ్చన్ … దిశ పటాని ఈ మూవీలో కీలక పాత్రలలో కనిపించబోతున్నారు.

ఇది ఇలా ఉంటే తాజాగా ఓ ఇంటర్వ్యూలో పాల్గొన్న అశ్విని దత్ టాలీవుడ్ సీనియర్ స్టార్ హీరోలు అయినటువంటి చిరంజీవి … బాలకృష్ణ పై కొన్ని ఆసక్తికరమైన వ్యాఖ్యలు చేశాడు. తాజాగా అశ్విని దత్ మాట్లాడుతూ … మెగాస్టార్ చిరంజీవి ఎంత కష్టపడతాడో … బాలకృష్ణ అంతకంటే ఎక్కువే కష్టపడతాడు అంటూ చెప్పుకొచ్చాడు. ప్రస్తుతం ప్రముఖ నిర్మాత అశ్వినీ దత్ చేసిన ఈ వ్యాఖ్యలు వైరల్ గా మారాయి. ఇది ఇలా ఉంటే అశ్వినీ దత్ తన వైజయంతి మూవీస్ బ్యానర్ పై చిరంజీవి … బాలకృష్ణతో కూడా సినిమాలను నిర్మించాడు.