ఇండియన్ ప్రీమియర్ లీగ్ 16వ సీజన్ షెడ్యూల్ ఇప్పటికే రిలీజ్ అయిన సంగతి తెలిసిందే. ఐపీఎల్ 16వ సీజన్ కి సంబంధించిన షెడ్యూల్ మ్యాచ్ ల వివరాలను బీసీసీఐ విడుదల చేసింది. మార్చి 31న ఐపీఎల్ 2023 ఎడిషన్ కి తెరలేవనుంది. ఐపీఎల్ 16వ సీజన్ ప్రారంభ వేడుకలను అహ్మదాబాద్ లోని నరేంద్ర మోడీ స్టేడియంలో నిర్వహించనున్నారు. ఈ నేపథ్యంలోనే, ఐపీఎల్ 2023లో తన టీం నడిపించేందుకు సౌత్ ఆఫ్రికా ప్లేయర్ ఐడెన్ మార్కరమ్ ను తమ కొత్త కెప్టెన్ గా నియమించింది సన్రైజర్స్ యాజమాన్యం. ఈ విషయాన్ని ట్విట్టర్ వేదికగా వెల్లడించింది.
ఇక ఐపీఎల్ లో ఢిల్లీ క్యాపిటల్స్ జట్టుకు ఆస్ట్రేలియా ఆటగాడు డేవిడ్ వార్నర్ సారథ్యం వహించనున్నాడని సమాచారం. రోడ్డు ప్రమాదంలో గాయపడిన రెగ్యులర్ కెప్టెన్ రిషబ్ పంత్ ఈ సీజన్ కు దూరం అయ్యాడు. భారత్ తో జరిగిన రెండో టెస్ట్ లో వార్నర్ మోచేతికి ఫ్రాక్చర్ కావడంతో అతడు మిగతా సిరీస్ కు దూరమయ్యాడు. కానీ వార్నర్ వేగంగా కోలుకొని ఐపీఎల్ సమయానికి అందుబాటులో ఉంటాడని ఢిల్లీ మేనేజ్మెంట్ చెబుతోంది. అక్షర్ పటేల్ వైస్ కెప్టెన్ గా బాధ్యతలు నిర్వర్తిస్తాడని విశ్వసనీయ వర్గాలు తెలిపాయి. అయితే అధికారికంగా ప్రకటన వెలువడాల్సి ఉంది.
READ ALSO : తెలంగాణ గురుకుల నోటిఫికేషన్ లపై గుడ్ న్యూస్…పెరగనున్న పోస్టులు… ఎన్నంటే?
