గుర్తు పట్టలేనంత గా మారిపోయిన అనుష్క…కారణం అదేనా..?

సూప‌ర్ సినిమాతో టాలీవుడ్ లో అడుగుపెట్టిన బ్యూటీ అనుష్క‌. ఆ త‌ర‌వాత ఎన్నో బ్లాక్ బ‌స్ట‌ర్ సినిమాల‌లో అనుష్క హీరోయిన్ గా న‌టించింది. దాదాపు టాలీవుడ్ లోని స్టార్ హీరోలు అంద‌రితోనూ సినిమాలు చేసింది. బాహుబ‌లి సినిమాతో పాన్ ఇండియా లెవ‌ల్ లో అనుష్క క్రేజ్ ను సంపాదించుకుంది. అయితే బాహుబ‌లి త‌ర‌వాత అనుష్క‌కు మ‌ళ్లీ ఆ రేంజ్ లో హిట్ ప‌డ‌లేదు. అంతే కాకుండా అనుష్క చాలాకాలంగా సినిమాల‌కు దూరంగా ఉంటున్న సంగ‌తి తెలిసిందే.

మ‌రోవైపు సినిమా ఫంక్ష‌న్ లు ఇత‌ర ఈవెంట్ ల‌కు కూడా అనుష్క దూరంగా ఉంటున్నారు. ప్రస్తుతం అనుష్క యంగ్ హీరో న‌వీన్ పొలిశెట్టితో ఓ సినిమా చేస్తున్నారు. కానీ ఈ సినిమా నుండి ఎలాంటి పోస్ట‌ర్ విడుద‌ల కాలేదు. ఇదిలా ఉంటే చాలా కాలం త‌ర‌వాత అనుష్క ఫోటోలు నెట్టింట చ‌క్క‌ర్లు కొడుతున్నాయి. బెంగుళూరులో జ‌రిగిన శివ‌రాత్రి ఉత్స‌వాల‌కు అనుష్క కుటుంబంతో క‌లిసి హాజ‌ర‌య్యింది.

కాగా అనుష్కకు సంబంధించిన ఫోటోలు నెట్టింట వైర‌ల్ అవుతున్నాయి. ఇక ఆ ఫోటోల‌లో అనుష్క లుక్ పూర్తిగా మారిపోయింది. చూడ్డానికి అనుష్క చాలా బొద్దుగా కనిపిస్తోంది. వైట్ క‌ల‌ర్ చుడిదార్ లో అనుష్క క‌నిపించింది. ఇక అనుష్క గుర్తుప‌ట్ట‌లేనంత‌గా మారిపోవ‌డంతో నెటిజ‌న్ లు షాక్ అవుతున్నారు. అయితే అనుష్క న‌వీన్ పొలిశెట్టితో చేస్తున్న మిస్ శెట్టి మిస్ట‌ర్ పొలిశెట్టి సినిమా కోస‌మే ఇలా బొద్దుగా త‌యార‌య్యింద‌నే వార్త‌లు కూడా టాలీవుడ్ లో వినిపిస్తున్నాయి.