నటసింహం నందమూరి బాలకృష్ణ రీసెంట్ గా అఖండ సినిమా తో బ్లాక్ బస్టర్ అందుకున్నారు. ఈ సినిమా బాలయ్య కెరీర్ లోనే అత్యధిక కలెక్షన్లు రాబట్టింది. ఈ చిత్రానికి బోయపాటి దర్శకత్వం వహించగా బాలయ్య డ్యుయల్ రోల్ లో అలరించాడు. ముఖ్యంగా ఈ సినిమాలో అఘోర పాత్రలో బాలయ్య అదరగొట్టారు. ఈ చిత్రం తో బాలయ్య బోయపాటి కాంబోలో హ్యాట్రిక్ పడింది.
ఇక ఈ చిత్రం తరవాత బాలయ్య మరో మాస్ డైరెక్టర్ గోపీచంద్ మలినేని తో ఓ సినిమా చేస్తారని వార్తలు వినిపించిన సంగతి తెలిసిందే. కాగా తాజాగా ఈ సినిమా షూటింగ్ సిరిసిల్ల లో ప్రారంభం అయ్యింది. ఇక మొదటిరోజు రామ్ లక్ష్మణ్ తో ఓ యాక్షన్ సీన్ ను తెరకెక్కించారు. ప్రస్తుతం ఈ షూటింగ్ స్పాట్ కు సంబందించిన ఒక ఫోటో నెట్టింట వైరల్ అవుతోంది.
ఈ ఫోటోలో బాలయ్య బ్లాక్ షర్ట్ లో లుంగీ కట్టుకుని ఊరమాస్ లుక్ లో కనిపిస్తున్నారు. నలిసిన గడ్డం తో బాలయ్య ఎంతో అందంగా ఉండటం తో ఈ ఫోటో వైరల్ అవుతోంది. ఇక లుక్ చూస్తేనే సినిమా పై అంచనాలు పెరిగిపోతున్నాయి. మరో వైపు గోపీచంద్ క్రాక్ తో బాలయ్య అఖండ తో హిట్ కొట్టి ఉన్నారు. దాంతో వీరి కాంబినేషన్ పై కూడా అంచనాలు పెరిగిపోయాయి.
