సచిన్, ద్రవిడ్ పేర్లతో నా కొడుక్కి సంబంధం లేదు : రచిన్ తండ్రి

Rachin Ravindra : సచిన్, ద్రవిడ్ పేర్లతో నా కొడుక్కి సంబంధం లేదని త్లెచి చెప్పారు రచిన్ రవీంద్ర తండ్రి. కివీస్ యువ ఆల్ రౌండర్ రచిన్ రవీంద్ర ఈ ప్రపంచకప్ లో ఇతని పేరు మారుమ్రోగిపోతోంది. భారతీయ మూలాలు ఉండడంతో మనవాళ్లు మరింత దగ్గర చేసుకుంటున్నారు. అయితే రచిన్ పేరు వెనుక ఓ స్టోరీ గురించి అందరూ ఇప్పటికే వినే ఉంటారు.

Rachin Ravindra’s Father Debunks Naming Rumor, Denies Rahul Dravid-Sachin Tendulkar Influence

రచిన్ అనే పేరు రాహుల్ ద్రవిడ్ లో ర సచిన్ లో చిన్ అని కలిసి వచ్చేలా పెట్టారని చాలా వార్తలు మనందరం చూసాం. ఇద్దరు భారతీయ లెజెండ్స్ పేరు కలిసి వచ్చేలా తన తల్లిదండ్రులు పేరు పెట్టారని మనందరికీ తెలుసు. కానీ దీని గురించి రచిన్ తండ్రి రవి కృష్ణమూర్తి సంచలన విషయాలు బయట పెట్టారు. రచిన్ పుట్టినప్పుడు తన భార్య ఈ పేరును ఫిక్స్ చేసిందని, నేను కూడా కొత్తగా, సింపుల్ గా ఉందని పెట్టేశామని చెప్పాడు.

అంతే తప్ప రచిన్ ను క్రికెటర్ ను చేయాలన్న ఉద్దేశంతో ఇలా రెండు పేర్లు కలిపి పెట్టలేదని ఆయన చెప్పాడు. కొన్నేళ్ల తర్వాతే రాహుల్ ద్రవిడ్ మరియు సచిన్ టెండూల్కర్ పేర్లు కలిసి వచ్చాయని రియలైజ్ అయ్యామన్నాడు. అదన్నమాట అసలు విషయం. యాదృచ్ఛికంగా రచిన్ పేరులో ఇద్దరూ లెజెండ్స్ ఉన్నారే తప్ప అతని తల్లిదండ్రులు ప్లాన్ చేసుకొని పెట్టిన పేరు కాదట.