కేజిఎఫ్ సినిమా అనంతరం ప్రశాంత్ నీల్ తీస్తున్న చిత్రం ‘సలార్’. ఈ సినిమాని యాక్షన్ ఎంటర్టైనర్ నేపథ్యంలో రూపొందిస్తున్నారు. వరుస ఫ్లాప్ సినిమాలతో ఉన్న ప్రభాస్ ఈ సినిమాతో బౌన్స్ బ్యాక్ అవడం ఖాయం అంటున్నారు. డిసెంబర్ 22న సలార్ సినిమా భారీఎత్తున విడుదల కాబోతోంది. ఈ సినిమాను రెండు పార్ట్ లుగా విడుదల చేయబోతున్నారు. సలార్ పార్ట్ వన్ ట్రైలర్ డిసెంబర్ 1వ తేదీన రాత్రి 7 గంటలకు విడుదల కాబోతోంది.
Salaar Movie Promotion RCB Team Support Trailer Release
ఈ ట్రైలర్ కోసం ప్రభాస్ అభిమానులు ఎంతగానో ఎదురుచూస్తున్నారు. ఇక ఈ సినిమాకు సంబంధించి ప్రమోషన్స్ కార్యక్రమాలను వేగవంతం చేస్తున్నారు మేకర్స్. ప్రమోషన్స్ కోసం ఏకంగా ఆర్సిబి టీం ను రంగంలోకి దింపారు. సలార్ నిర్మాతలు హోంభలే ఫిలిమ్స్ కన్నడ సంస్థ అని తెలిసిందే. దీంతో ఈ సంస్థ బెంగుళూరు ఐపీఎల్ టీమ్ తో తమ సినిమాకు ప్రమోషన్స్ ను చేయిస్తోంది. గతంలో కేజిఎఫ్ సినిమాకి కూడా ఆర్సిబి టీం ప్రమోషన్స్ చేసింది. తాజాగా సలార్ ట్రైలర్ గురించి ఆర్సిబి ప్రమోట్ చేస్తూ ఓ పోస్టర్ ను విడుదల చేశారు. ప్రస్తుతం ఈ పోస్టర్ సోషల్ మీడియాలో తెగ వైరల్ అవుతుంది.
Advertisement
Advertisement
ఇప్పటికే సలార్ పై తెగ అంచనాలు ఉన్నాయి. ఇప్పుడు ఆర్సిబి టీం కూడా సలార్ కు ప్రమోషన్స్ చేస్తుండడంతో విరాట్, ప్రభాస్ అభిమానులు ఫుల్ ఖుషి అవుతున్నారు. మరి 22వ తేదీన థియేటర్లలో రాబోతున్న ఈ సినిమా కోసం ప్రేక్షకులు ఆత్రుతగా ఎదురుచూస్తున్నారు. ఈ సినిమాలో ప్రభాస్ సరసన హీరోయిన్గా శృతిహాసన్ నటిస్తోంది. మలయాళ స్టార్ హీరో పృథ్వీరాజ్ సుకుమారన్, జగపతిబాబు విలన్లుగా నటిస్తున్నారు. శ్రియరెడ్డి ఈ సినిమాలో కీ రోల్ ప్లే చేస్తోంది. మరి సలార్ సినిమా ఎలా ఉంటుందో చూడాలి.
మరిన్ని తెలుగు సినిమా వార్తల కోసం ఇవి చూడండి! తెలుగు న్యూస్ కోసం వీటిని చూడండి!
