కోహ్లీపై ట్రోలింగ్..ఇంగ్లాండ్ కు ఇచ్చిపడేసిన ఇండియన్ ఆర్మీ !

క్రికెట్ ఫ్యాన్స్ లో చాలామంది బార్మీ ఆర్మీ అనే పేరు వినే ఉంటారు. ఇంగ్లాండ్ క్రికెట్ జట్టు ఫ్యాన్స్ ను బార్మీ ఆర్మీ అంటారు. అక్కడిదాకా బాగానే ఉంది కానీ గ్రౌండ్ లోను లేదా సోషల్ మీడియాలోనూ వారు చేసే ఓవరాక్షన్ అంతా ఇంతకాదు. ఈ ప్రపంచకప్ లో సూపర్ ఫామ్ లో ఉన్న విరాట్ కోహ్లీ నిన్న చాలా అరుదుగా డకౌట్ అయ్యారు. అంతే ఇక నోరు, చెయ్యి ఆగక బాతు మీద విరాట్ కోహ్లీ ఫోటోలు ఎడిట్ చేసి ట్వీట్ చేశారు. డక్ అవుట్ అని ట్రోల్ చేశారు.

భారత ఫ్యాన్స్ అందరికీ దీన్ని చూసి మండిపోయింది. ఇక ఇంగ్లాండ్ చేజింగ్ లో జోరూట్ అయితే మరీ ఘోరంగా మొదటి బాల్ కే డకౌట్ అయ్యాడు. వెంటనే స్పందించిన భారత క్రికెట్ జట్టు ఫ్యాన్స్ క్లబ్ భారత్ ఆర్మీ ఈసారి జోరూట్ ఫోటోను ఎడిట్ చేసి ట్వీట్ చేశారు. కానీ మనం ప్రేమ అయినా విమర్శలు అయినా రెట్టింపు ఇస్తాం కదా. భారత ఆర్మీ అక్కడితో ఆగలేదు. మరికాసేపటికి బెంచ్ స్టోక్స్ కూడా డక్ అవుట్ అయ్యాడు.

అర్రే మాకు ఎడిటింగ్ చేసే టైం కూడా ఇవ్వట్లేదు అన్న క్యాప్షన్ తో భారత ఆర్మీ మరోసారి ట్వీట్ చేసింది. ఇక ఇంగ్లాండ్ ఆఖరి వికెట్ కింద మార్క్ వుడ్ కూడా డకౌట్ అయ్యాడు. అంతే ముగ్గురి ఫోటోలు కలిపి ఓ ఆఖరి మార్ఫింగ్ ఫోటోను పోస్ట్ చేసి గుడ్ నైట్ అంటూ భారత ఆర్మీ ట్రోల్ చేసింది. ఇంగ్లాండ్ ఫ్యాన్స్ చేసిన ఓవరాక్షన్ కు మన భారత ఆర్మీ ఇచ్చిన కౌంటర్ సూపర్ అంటూ మన క్రికెట్ ఫ్యాన్స్ అంతా ఫుల్ ఖుషి అవుతున్నారు.

మరిన్ని  క్రీడల వార్తల కోసం ఇక్కడ చూడండి !  తెలుగు న్యూస్ కోసం ఇక్కడ చూడండి.