YS Sharmila: కడప TDP ఎంపీగా వైఎస్‌ షర్మిల పోటీ ?

క్రిస్మస్ పండుగ రోజున ఏపీ రాజకీయాల్లో ఆసక్తికర పరిణామాలు చోటు చేసుకున్నాయి. వైయస్ షర్మిల క్రిస్మస్ పండుగ రోజున గిఫ్ట్ లను టిడిపి ప్రధాన జాతీయ కార్యదర్శి నారా లోకేష్ కు పంపారు. ఇది వినడానికి చాలా ఆశ్చర్యంగా ఉన్నప్పటికీ ఇది నిజమే. ఈ విషయాన్ని స్వయంగా ట్విట్టర్ ద్వారా నారా లోకేష్ తెలియజేశారు. ఈ గిఫ్ట్ పంపినందుకుగాను నారా లోకేష్ వైయస్ షర్మిలకు కృతజ్ఞతలు తెలియజేశారు. నారా కుటుంబం తరఫున మీకు, మీ కుటుంబ సభ్యులకు శుభాకాంక్షలు అని తెలియజేశాడు.

YS Sharmila’s contest as Kadapa TDP MP

ప్రస్తుతం ఈ ట్వీట్ ఏపీ రాజకీయాల్లో చాలా ఆసక్తికరంగా మారింది. ఎందుకంటే ఏపీలో ప్రస్తుతం ఎన్నికల రాజకీయం మొదలవుతోంది. ఈ సమయంలో వైసీపీ, టీడీపీ ఒకరి మీద ఒకరు విరుచుకుపడుతున్నారు. ఏ ఒక్క చిన్న సందర్భం దొరికినా కూడా ఒకరిని ఒకరు ఆడేసుకుంటున్నారు. ఈ సమయంలో సీఎం జగన్ చెల్లెలు వైయస్ షర్మిల వైసీపీకి ప్రత్యర్థి అయినా, నారా లోకేష్ కు గిఫ్ట్ పంపడం వారు జీర్ణించుకోలేకపోతున్నారు. అన్నాచెల్లెల మధ్య ఏమైనా తగాదాలు ఉంటే ఇంట్లో చూసుకోవాలి.

అంతేకానీ ఇలా ప్రత్యర్థి పార్టీలో ఉన్న వారికి ఎన్నికల సమయంలో ఇలా చేయడం సరికాదంటూ కొందరు వైసిపి నేతలు అసంతృప్తి వ్యక్తం చేస్తున్నారు. రాజకీయాలు ఎలా ఉన్నప్పటికీ నాయకులు వ్యక్తిగతంగా మంచిగా ఉండాలి. వైయస్ షర్మిల పంపిన గిఫ్ట్, అలాగే ఉన్నతమైన రాజకీయ విలువలకు ఒక ఉదాహరణ అని రాజకీయ విశ్లేషకులు షర్మిలను మెచ్చుకుంటున్నారు. అయితే నారా లోకేష్ కు గిఫ్ట్ ఇవ్వడంతో షర్మిల టిడిపి పార్టీలో చేరుతుందని కొంతమంది ప్రచారం చేస్తున్నారు. అంతేకాదు కడప ఎంపీగా పోటీ చేయబోతుందని కూడా సోషల్ మీడియాలో వార్తలు స్ప్రెడ్ చేస్తున్నారు టిడిపి పార్టీ కార్యకర్తలు. ప్రస్తుతం సోషల్ మీడియాలోనూ, ఏపీ రాజకీయాల్లోనూ ఇదే విషయం హాట్ టాపిక్ గా నడుస్తోంది.