బ్రహ్మానందం పేరు తెలియని తెలుగు ప్రేక్షకులు ఎవ్వరూ కూడా ఉండరు. తన హాస్యంతో తెలుగువారిని అలరించిన బ్రహ్మి ఇవాళ 67వ ఏట అడుగుపెట్టారు. తనదైన కామెడీ టైమింగ్ తో కొన్నేళ్లు తెలుగు ఇండస్ట్రీని ఓ ఊపు ఊపాడు. తెరమీద బ్రహ్మానందం కనిపిస్తే చాలు.. థియేటర్లలో ప్రేక్షకులు కడుపుబ్బా నవ్వుకుంటారు. బట్టతలతో ఎంట్రీ ఇచ్చి.. క్లాస్, మాస్, బాల్కనీ, నేల టికెట్ అనే తేడాలేకుండా అందరితో విజిల్స్ వేయించగల స్టార్ ఎవరైనా ఉన్నారంటే.. అది కచ్చితంగా బ్రహ్మానందం ఒక్కరే అని చెప్పవచ్చు.
గత కొద్ది రోజులుగా సినిమాలలో బ్యాడ్ టైమ్ ఎదుర్కుంటున్నారు బ్రహ్మానందం. ఆయన స్థాయికి తగినటువంటి పాత్రలు పడడం లేదు. వెన్నెల కిషోర్, సప్తగిరి, శకలక శంకర్, రాహుల్ రామకృష్ణ, ప్రియదర్శి వంటి యువ కమెడీయన్ల ఎంట్రీతో హాస్యబ్రహ్మకి అవకాశాలు తగ్గాయి. ఇటీవల బాలయ్య హీరోగా నటించిన వీరసింహారెడ్డి చిత్రంలో కొద్ది సేపు అలా కనిపించారు. దీంతో పాటు ‘రంగమార్తాండ’ చిత్రంలో తన ఇమేజ్ కి తగ్గ పాత్రలో కనిపించనున్నారు. ప్రస్తుతం ఆయన ఆరోగ్యం సరిగ్గా లేకపోవడంతో సినిమాలను తగ్గించేశాడు. ఇక నవ్వుల రారాజు బ్రహ్మానందం ఆత్మకథ రాస్తున్నారు. అంతేకాదు.. తక్కువ సమయంలోనే వెయ్యికి పైగా సినిమాలలో నటించి గిన్నీస్ బుక్ లో చోటు కూడా సంపాదించుకున్నారు. మొత్తానికి ఈయన 1250 సినిమాల్లో నటించారు బ్రహ్మానందం.
Also Read : యువతకు శుభవార్త.. అద్భుతమైన అవకాశం మీకోసమే..!
బ్రహ్మానందం రాస్తున్నటువంటి ఈ పుస్తకంలో సినీ పరిశ్రమలో తనకు ఎదురైన మంచి, చెడు రెండింటినీ ఈ పుస్తకంలో ఆవిష్కరించబోతున్నట్టు తెలుస్తోంది. త్వరలో సినీ ప్రముఖుల సమక్షంలోనే ఈ పుస్తకాన్ని ఆవిష్కరించనున్నట్టు సమాచారం. ఎంతటి సన్నిహితులైన సరే బ్రహ్మానందం ఒక్క పైసా తీసుకోకుడా నటించిన దాఖలాలు అయితే లేవు. సినీ రంగంలో వచ్చిన దానిని కొన్ని రియల్ ఎస్టేట్స్ లో కూడబెట్టినట్టు సమాచారం. దీంతో పాటు కొన్ని వ్యాపారాల్లో కూడా భాగస్వామిగా ఉన్నారట. మొత్తానికి బ్రహ్మానందం తన పారితోషికంలో సగాన్ని భూములపై ఇన్వెస్ట్ చేశారట. దీంతో పాటు ఈయన స్థిర, చరాస్థులు అన్ని కలిపితే.. దాదాపు రూ.500 కోట్ల నుంచి రూ.600 కోట్ల వరకు ఉంటుందని సమాచారం. అంతేకాదు.. డబ్బు విషయంలో చాలా జాగ్రత్తగా వ్యవహరిస్తుంటాడు బ్రహ్మానందం. ఎలాంటి దురలవాట్లు లేకపోవడంతోనే ఈ రేంజ్ లో ఆస్తులు కూడబెట్టినట్టు సమాచారం.
Also Read : హీరో రాజశేఖర్ కూతురుతో సింగర్ రాహుల్ సిప్లిగంజ్ పెళ్లి..?