ఆర్జీవీకి చంద్రబాబు ఎందుకు నచ్చడు..? దాని వెనుక ఇంత పెద్ద కారణం వుందా..?

రామ్ గోపాల్ వర్మ గురించి, కొత్తగా పరిచయం చేయక్కర్లేదు. తనదైన శైలిలో వివాదాస్పద వ్యాఖ్యలతో ఎప్పుడూ కూడా, వార్తల్లో నిలుస్తూనే ఉంటారు. ట్విట్టర్లో కూడా, యాక్టివ్ గా ఉంటూ ఉంటారు. ఈమధ్య అయితే రాజకీయాల మీద ఫోకస్ పెట్టారు ముఖ్యంగా టిడిపి అధినేత చంద్రబాబు నాయుడుని టార్గెట్ చేసి విమర్శలు చేస్తున్నారు అర్జీవి. అలానే గతంలో లక్ష్మి ఎన్టీఆర్ గురించి సినిమా తీసిన ఆర్జీవి ఇప్పుడు రాబోయే ఎన్నికల సందర్భంగా వ్యూహం, శపథం వంటి సినిమాలు తీస్తున్నారు అయితే చంద్రబాబు అంటే ఆర్జీవికి ఎందుకు పగ అనే సందేహం చాలా మందిలో ఉంది.

వైస్ రాయ్ హోటల్ ఘటన జరిగినప్పటినుండి కూడా చంద్రబాబు అంటే తనకి పగ ఉందిట. ఎన్టీఆర్ ని వెన్నుపోటు పొడిచి టీడీపీని, అధికారాన్ని లాక్కున్నారని అప్పటినుండి కూడా చంద్రబాబు అంటే తనకి నచ్చడని ఆర్జీవి చెప్పడం జరిగింది. ప్రజలకు తెలియని ఎన్నో ముఖ్యమైన విషయాలని, ఆయన తీసిన వ్యూహం సినిమాలో చూపించినట్లు చెప్పారు. చంద్రబాబుకి సంబంధించిన బండారమంతా కూడా ఆ సినిమా ద్వారా బయటపెట్టారట.

అయితే ఏం చేసినా కూడా వ్యూహం మూవీ రిలీజ్ అయి తీరుతుందని ఆయన చెప్పారు. ఏపీ సీఎం జగన్ కి మద్దతునిస్తూ టిడిపి అధినేత చంద్రబాబు ని టార్గెట్ చేస్తూ రామ్ గోపాల్ వర్మ పోస్టులు చేస్తున్నారు. చంద్రబాబుని ఆయన టార్గెట్ చేసే విధానం హాట్ టాపిక్ అవుతోంది. మొత్తం మీద ఆర్జీవికి చంద్రబాబు ఎందుకు పడదు అనే విషయాన్ని మాత్రం బయట పెట్టేసారు అలానే తెలంగాణ రాజకీయ నాయకులు విషయానికి వస్తే రేవంత్ రెడ్డి అంటే ఆయనకి చాలా ఇష్టమట.

తెలుగు న్యూస్ కోసం వీటిని చూడండి!