సాధారణంగా ప్రతీ ఏడాది డిసెంబర్ 26వ తేదీ వచ్చినప్పుడల్లా క్రికెట్ లో బాక్సింగ్ డే టెస్ట్ మ్యాచ్ లతో సందడి నెలకొంటుంది. ఈ టెస్ట్ మ్యాచ్ లు క్రిస్మస్ మరుసటి రోజు అంటే డిసెంబర్ 26వ నుంచి వస్తాయి. అయితే ప్రతి సంవత్సరం డిసెంబర్ 26వ తేదీన టెస్ట్ మ్యాచ్ లు ఆడే సంప్రదాయం ఎప్పటినుంచో ప్రారంభమైంది. బాక్సింగ్ డే అంటే ఏమిటి అని మీరు ఎప్పుడైనా ఆలోచించారా? బాక్సింగ్ డే గురించి ఇప్పుడు తెలుసుకుందాం. ఆస్ట్రేలియాలోని మిల్ బోర్న్ క్రికెట్ గ్రౌండ్ లో జరిగే టెస్ట్ అత్యంత ప్రసిద్ధ బాక్సింగ్ డే టెస్ట్ మ్యాచ్ గా పరిగణిస్తారు. గ్రేట్ బ్రిటన్, ఆస్ట్రేలియా, న్యూజిలాండ్, దక్షిణాఫ్రికా, కెనడాతో సహా అన్ని కామన్వెల్త్ దేశాలలో క్రిస్మస్. తర్వాత రోజున బాక్సింగ్ డే అని పిలుస్తారు.
Advertisement
ఈ రోజు నుంచి ప్రారంభమయ్యే టెస్ట్ మ్యాచ్ లను బాక్సింగ్ డే టెస్ట్ మ్యాచ్ లు అంటారు. ఈసారి బాక్సింగ్ డే నుంచి రెండు మ్యాచ్ లు ప్రారంభం కానున్నాయి. ఒకటి ఆస్ట్రేలియా, ఇంగ్లాండ్ మధ్య జరుగుతున్న యాషెస్ సిరీస్ మ్యాచ్. సెంచూరియన్ వేదికగా భారత్-దక్షిణాఫ్రికా మధ్య రెండో మ్యాచ్ జరగనుంది. బాక్సింగ్ డే అంటే ఏమిటి, ఈ పేరు ఎక్కడ నుండి వచ్చింది అనే దాని గురించి కొన్ని కథనాలు ఉన్నాయి. చర్చిలో ఉంచిన పెట్టెలు క్రిస్మస్ మరసటి రోజున తెరుస్తారు. అందుకే ఈరోజును బాక్సింగ్ డే అని పిలుస్తారు. క్రిస్మస్ రోజున చాలామంది ప్రజలు అవసరమైన వారి కోసం చర్చిలో కొన్ని బహుమతులు ఉంచుతారు. ఈ గిఫ్ట్ బాక్స్ లను మరుసటి రోజు తెరిచి అవసరమైన వారికి అందజేస్తారు. ఈరోజు గురించి మరొక కథనం ఏమిటంటే, క్రిస్మస్ రోజున సెలవు లేకుండా పని చేసే వారికి మరుసటి రోజు ఒక పెట్టె రూపంలో బహుమతి ఇస్తారు. అందుకే దీన్ని బాక్సింగ్ డే అంటారు.
Advertisement
బాక్సింగ్ డే బెస్ట్ మ్యాచ్ 1950లో ప్రారంభమైంది. తొలిసారిగా అంతర్జాతీయ స్థాయిలో ఆస్ట్రేలియా, ఇంగ్లాండ్ మధ్య జరిగిన ఈ మ్యాచ్ లో ఆస్ట్రేలియా విజయం సాధించింది. తొలినాళ్లలో అయితే ప్రతి సంవత్సరం ఆడేవారు కాదు. 1952లో దక్షిణాఫ్రికా తన మొదటి బాక్సింగ్ డే టెస్ట్ మ్యాచ్ ను ఆస్ట్రేలియాతో ఆడింది. ఆ మ్యాచ్ లో దక్షిణాఫ్రికా విజయం సాధించింది. ఆ తర్వాత 1968 లో బాక్సింగ్ డే మ్యాచ్ ఆడారు. ప్రతి సంవత్సరం దీనిని ఆడే సాంప్రదాయం 1980 నుండి ఆ ప్రారంభమైంది. అప్పటినుంచి ఆస్ట్రేలియా, ఇంగ్లాండ్, దక్షిణాఫ్రికా జట్లు నిరంతరం బాక్సింగ్ డే టెస్ట్ మ్యాచ్ లు ఆడుతున్నాయి. 1985లో ఆస్ట్రేలియాతో భారత్ తన మొదటి బాక్సింగ్ డే బెస్ట్ మ్యాచ్ ఆడింది. అది డ్రాగా ముగిసింది. భారత్, దక్షిణాఫ్రికా 1992 నుంచి 5 బాక్సింగ్ మ్యాచ్ లు ఆడాయి. వీటిలో దక్షిణాఫ్రికా నాలుగు విజయాలు సాధించింది.
