అప్పుడే మొదలయ్యింది..! చిరంజీవి “గాడ్ ఫాదర్” సినిమాలోని ఈ లుక్ అక్కడ కాపీ చేశారా? అంటూ ట్రోల్స్…!

మెగాస్టార్ చిరంజీవి చివరగా ఆచార్య సినిమాతో ప్రేక్షకుల ముందుకు వచ్చారు. కొరటాల శివ దర్శకత్వంలో వచ్చిన ఈ సినిమా ప్రేక్షకులను నిరాశపరిచింది. ఈ సినిమాలో రామ్ చరణ్ కూడా ముఖ్యమైన పాత్రలో నటించారు. ఇద్దరు స్టార్ హీరోలు ఉండటంతో ఈ సినిమాపై భారీ అంచనాలు నెలకొన్నాయి. కానీ ఈ సినిమా ఆ అంచనాలను రీచ్ అవ్వలేకపోయింది. మెగాస్టార్ కెరీర్ లోనే ఈ సినిమా ఘోరమైన పరాజయం పాలైంది.

ఇదిలా ఉంటే ఇప్పటికే మెగాస్టార్ గాడ్ ఫాదర్ అనే సినిమాలో నటిస్తున్న సంగతి తెలిసిందే. మలయాళం లో మోహన్ లాల్ హీరోగా నటించిన లూసిఫర్ అనే సినిమాకు రీమేక్ గా గాడ్ ఫాదర్ సినిమా తెరకెక్కుతోంది. ఈ సినిమా మాలీవుడ్ లో బ్లాక్ బస్టర్ గా నిలిచింది. దాంతో గాడ్ ఫాదర్ సినిమాపై కూడా భారీ అంచనాలు నెలకొన్నాయి.

ఇక ఈ సినిమా పొలిటికల్ బ్యాక్ డ్రాప్ లో వస్తున్న సంగతి తెలిసిందే. ఈ సినిమా షూటింగ్ లో ఒక పాట మినహా మొత్తం షూటింగ్ పూర్తయినట్టు తెలుస్తోంది. అంతే కాకుండా ఈ పాట కోసం సల్మాన్ ఖాన్ కూడా రంగంలోకి దిగారు. ఈ పాటలో చిరంజీవి సల్మాన్ ఖాన్ కలిసి స్టెప్పులు వేస్తున్నారు. ఇదిలా ఉంటే చిత్ర యూనిట్ ఈ సినిమా నుండి తాజాగా ఓ పోస్టర్ ను విడుదల చేసింది.

అయితే ఈ పోస్టర్ అచ్చం ఎన్టీఆర్ హీరోగా నటించిన లవకుశ సినిమాలోని రావణ్ పాటలోని సన్నివేశం మాదిరిగా కనిపిస్తుంది. రావణ్ పాటలో గొడుగులు పట్టుకుని ఒక సీన్ ఉంటుంది. ఆ సన్నివేశం మాదిరిగానే గాడ్ ఫాదర్ పోస్టర్ లుక్ కూడా ఉండటం తో ఆ సినిమా తో లింక్ చేస్తున్నారు. అంతేకాకుండా అక్కడ నుంచి లేపేసారా అంటూ నెగిటివ్ కామెంట్లు చేస్తున్నారు.