ఇది ‘ఛత్రపతి’ ఏంటి ? ‘చపాతీలా’ ఉంది అంటూ బెంగాలీ ఛత్రపతి పై ట్రోల్ చేస్తున్న నెటిజన్స్ ..!

ఒక భాషలో సూపర్ హిట్ గా నిలిచిన‌ సినిమాలను మరో భాషలో రీమేక్ చేయడం సహజమే. ఆ రీమేక్ చేసే సమయంలో తమ నేటివిటీకి తగినట్టుగా బడ్జెట్ కు తగినట్టుగా సినిమాలను తెరకెక్కిస్తుంటారు. అయితే అలా రీమేక్ చేసే క్ర‌మంలో అస‌లు కంటే రీమేక్ ను మ‌రింత ఇంట్రెస్టింగ్ గా తెర‌కెక్కించాలి. అలా చేయ‌క‌పోతే ట్రోల్స్ కు గుర‌వ్వాల్సిందే. ఇక తెలుగులో సూపర్ హిట్ గా నిలిచిన సినిమాలను ఎక్కువగా బాలీవుడ్ లో త‌మిళ్ లో రీమేక్ చేస్తుంటారు. అంతేకాకుండా సినిమాలు బెంగాలీ మ‌రియు ఇతర భాషల్లోనూ ఎక్కువ‌గానే రీమేక్ చేశార‌న్న విష‌యం ఇప్పుడిప్పుడే తెలుస్తోంది.

trolls on bengali chathrapati

తెలుగులో మంచి విజయం సాధించిన సినిమాలను బెంగాలీలో రీమేక్ చేయ‌గా ఆ బెంగాలీ సినిమాల కు సంబంధించిన వీడియోలు ఇప్పుడు ట్రో ల్స్ కు గుర‌వుతున్నాయి. మన హీరోలకు బెంగాలీ హీరోలకు చాలా తేడా కనిపిస్తోంది. అంతేకాకుండా టెక్నికల్ వ్యాల్యూస్ విషయానికి వచ్చిన చాలా తేడా కనిపిస్తోంది. దాంతో బెంగాలి సినిమాలపై సోషల్ మీడియాలో భారీ ఎత్తున ట్రోల్స్ వస్తున్నాయి. అలా ట్రోల్స్ వస్తున్న సినిమాలలో బెంగాలి చత్రపతి కూడా ఒకటి.

also read : ఈ నెలలో విడుద‌ల కాబోతున్న సినిమాలు ఇవే..!

రాజమౌళి దర్శకత్వంలో తెరకెక్కిన సినిమాలో చత్రపతి కూడా ఒక‌టి. ఈ సినిమాలో ప్రభాస్ హీరోగా నటించాడు. ఈ సినిమాలోని ఒక్కో సీన్ గూస్ బంప్స్ వ‌చ్చే విధంగా ఉంటుంది. అయితే ఈ సినిమాను బెంగాలీలో కూడా రీమేక్ చేశారు. ఇక బెంగాలీ వర్షన్ లో హీరో హైట్ కి అతడు చేసే యాక్షన్ సన్నివేశాలకు అసలు సంబంధమే లేదు. చ‌త్ర‌ప‌తిలోని ఓ

సీన్ లో ప్రభాస్ క‌ట్ ఔట్ కు ఆయ‌న గర్జిస్తూ చెప్పిన ఇక చాలూ అనే డైలాగ్ కు ముందున్న వ్యక్తి వెనక్కి వెళ్ళి పోతాడు. కానీ బెంగాలీ వర్షన్ లో హీరోగా నటించిన వ్యక్తి ప్రభాస్ హైట్ లో సగం కనిపిస్తున్నాడు. అదే డైలాగ్ ను బెంగాలీ వ‌ర్ష‌న్ లో చెప్ప‌గా ఇది ఛ‌త్ర‌ప‌తి కాదు చెపాతి అంటూ మీమ‌ర్స్ ట్రోల్స్ చేస్తున్నారు. ఈ రీమేక్ లు ఆపండ్రోయ్ అంటూ నెటిజ‌న్లు మొత్తుకుంటున్నారు.

also read : శంక‌రాభ‌ర‌ణంలో శంక‌ర శాస్త్రి పాత్ర‌కు మొద‌ట ఎవ‌రిని అనుకున్నారో తెలుసా?