టిక్ టాక్ లో ప‌రిచ‌య‌మైన యువతితో భ‌ర్త‌కు రెండో పెళ్లి జ‌రిపించిన భార్య‌..!

సాధార‌ణంగా భర్త పరాయి స్త్రీని క‌న్నెత్తి చూస్తే భార్య త‌ట్టుకోలేదు. ఆ భ‌ర్త‌కు బుద్ది చెబుతుంది. మ‌రోసారి ప‌రాయి స్త్రీ జోలికి వెళ్ల‌కుండా చేస్తుంది. కానీ ఎక్క‌డైనా భార్య ద‌గ్గ‌రుండి త‌న భ‌ర్త‌కు మ‌రో యువతితో పెళ్లి చేయ‌డం చూశారా..? ఓ సినిమాలో చూసిన‌ట్టు ఉంది కదా..? ఇలాంటివి సినిమాల‌లోనే జ‌రుగుతాయనుంటే ప‌ప్పులో కాలేసిన‌ట్టే ఎందుకంటే తాజాగా మ‌హిళ త‌న భ‌ర్త‌కు ద‌గ్గ‌రుండి మ‌రో యువితో పెళ్లి చేసింది. ఈ ఘ‌ట‌న ఎక్క‌డో జ‌ర‌గ‌లేదు. మ‌న ఏపీలోని తిరుపతిలోనే జ‌రిగింది.

ప్ర‌స్తుతం సోష‌ల్ మీడియా ప్ర‌భావం ఏ రేంజ్ లో ఉందో ప్ర‌త్యేకంగా చెప్పాల్సిన అవ‌స‌రం లేదు. సోష‌ల్ మీడియా పుణ్య‌మా అని చాలా మందికి పెళ్లిళ్లు కూడా అవుతున్నాయి. కొంత‌మంది ఆన్లైన్ వేధిక‌ల‌నే త‌మ ప్రేమ పెళ్లిళ్ల‌కు ర‌హ‌దారులుగా మార్చుకుంటున్నారు. ఇప్పుడు కూడా అదే జ‌రిగింది. తిరుప‌తిలోని అంబేద్క‌ర్ న‌గ‌ర్ కు చెందిన ఓ యువ‌కుడు టిక్ టాక్ లో ఇద్ద‌రిని ప‌డేశాడు.

అంతే కాకుండా ఇప్పుడు ఇద్ద‌రినీ పెళ్లి చేసుకోవ‌డం హాట్ టాపిక్ గా మారింది. సద‌రు యువ‌కుడు మొద‌ట విశాఖ‌కు చెందిన ఓ యువ‌తిని టిక్ టాక్ లో ప‌రిచయం పెంచుకుని ప్రేమ‌లో ప‌డ్డాడు. ఆ త‌ర‌వాత వీర‌ద్ద‌రూ ప్రేమించుకున్నారు. ఏమైందో కానీ విశాఖ యువ‌తిని దూరం పెడ్డాడు. ఈ గ్యాప్ లో క‌డ‌ప కు చెందిన మ‌రో యువ‌తితో టిక్ టాక్ లోనే ప‌రిచ‌యం ఏర్ప‌డింది.

Image for representation only. Photo: Shutterstock

ఆ యువ‌తితో కూడా ల‌వ్ లో ప‌డ్డాడు. ఇక వీరిద్ద‌రూ కొంత కాలం క్రితం పెళ్లి చేసుకున్నారు. ఇదిలా ఉండ‌గా ఇప్పుడు ఇద్ద‌రి మ‌ధ్య‌లో విశాఖ యువ‌తి వ‌చ్చి చేరింది. అత‌డు లేక‌పోతే తాను ఉండ‌లేనని చెప్పింది. అంతే కాకుండా యువ‌కుడు మొద‌ట‌గా పెళ్లి చేసుకున్న యువ‌తితో అంతా క‌లిసి హ్యాపీగా ఉందామ‌ని ఒప్పించింది. ఇక యువ‌కుడి భార్య కూడా ఒప్పుకోవ‌డంతో బుధ‌వారం వీరి పెళ్లి జ‌రిగింది. అంతే కాకుండా మొద‌టి భార్య ఈ వివాహాన్ని ద‌గ్గ‌రుండి జ‌రిపించ‌డం హాట్ టాపిక్ గా మారింది. ఇక ఈ వార్త చూసిన నెటిజ‌న్లు ముగ్గురూ క‌లిసి ఇప్పుడు టిక్ టాక్ చేసుకోవ‌చ్చు అంటూ ఫ‌న్నీ కామెంట్స్ పెడుతున్నారు.