బిగ్ బాస్ తరువాత వాళ్లు బ్యాన్ చేశారు.. అలీ రెజా ఎమోషనల్ కామెంట్స్..!

బిగ్ బాస్ రియాలిటీ గేమ్ షోకు మనదగ్గర చాలా క్రేజ్ ఉంది. ఇప్పటికే ఏడూ సీజన్స్ ను పూర్తి చేసుకుంది బిగ్ బాస్. అయితే బిగ్ బాస్ గేమ్ షోను కొంతమంది మెచ్చుకుంటే మరికొంతమంది విమర్శిస్తున్నారు. బిగ్ బాస్ గేమ్ షోలో పాల్గొన్న వారు కూడా బయటకు వచ్చి దాని పై కామెంట్స్ చేశారు. అలాగే బిగ్ బాస్ గేమ్ షోలో పాటిస్పెట్ చేసిన చాలా మంది మంచి క్రేజ్ ను సొంతం చేసుకున్నారు. కొంతమంది సినిమా ఆఫర్స్ కూడా అందుకున్నారు. మరికొంతమంది సోషల్ మీడియాలో ఫాలోవర్స్ ను పెంచుకున్నారు. అయితే బిగ్ బాస్ కు వెళ్లొచ్చిన తర్వాత తనకు బ్యాన్ చేశారని తెలిపాడు నటుడు అలీ రెజా. దాదాపు రెండేళ్ల పాటు నా పై నిషేధం విధించారు.. ఎంత చెప్పిన వినలేదు. చాలా బాధపడ్డాను అని తెలిపాడు అలీ. అసలు అలీని ఎందుకు బ్యాన్ చేశారు. కారణం ఏంటి.. అతనిని ఎవరు ఇబ్బంది పెట్టారు ? అనే విషయాలను ఇప్పుడు మనం తెలుసుకుందాం.

తాజాగా ఓ ఇంటర్వ్యూలో పలు ఆసక్తికర విషయాలను వెల్లడించారు. ముఖ్యంగా బిగ్ బాస్ సీజన్ 3కి వెళ్లి వచ్చిన తర్వాత నాకు నాగార్జున వైల్డ్ డాగ్ సినిమాలో అవకాశం ఇచ్చారు. యాక్షన్ సినిమా కావడంతో రోజూ ఫైట్ ప్రాక్టీస్ ఉంటుంది. రెండు రోజులు రాకపోతే సినిమా నుంచి తీసేస్తామని డైరెక్టర్ ముందే చెప్పారు. అదే రోజు ఓ సీరియల్ గురించి ఫోన్ చేసి క్లోజ్ చేస్తున్నాం నువ్వు రావాలి అని అన్నారు. అయితే నేను సినిమా షూటింగ్ లో ఉన్నాను.. వస్తాను కానీ వీలును బట్టి వస్తాను అని చెప్పను. ఇలా డిస్కషన్ జరుగుతుండగానే ప్రొడ్యూసర్స్ కౌన్సిల్ నుంచి ఫోన్ వచ్చింది. వాళ్లకు కూడా వివరంగా చెప్పను.

ఆతర్వాత ప్రొడ్యూసర్స్ కౌన్సిల్ మీటింగ్ కు రమ్మన్నారు. ఇప్పుడు రాలేను కావాలంటే సాయంత్రం ఓ గంట పర్మిషన్ తీసుకొని వస్తాను అని చెప్పాను.  కానీ వాళ్లు వినలేదు. ఆతర్వాత నాకు స్క్రీన్ షాట్ వచ్చింది నన్ను బ్యాన్ చేశారని.. దీంతో నేను చాలా బాధపడ్డాను అని తెలిపాడు అలీ. రెండేళ్ల పాటు షూటింగ్ లకు, షోలకు పిలవద్దని అందులో ఉంది. ఇలా ఎలా చేస్తారు అని చాలా బాధపడ్డాను అని చెప్పుకొచ్చాడు అలీ.  ప్రస్తుతం అలీ పలు సినిమాలతో బిజీగా మారిపోయాడు.

Also Read :  జగన్ నా నాలుగో పెళ్లాం.. నాలుగో వదిన బావుంది అంటూ పవన్ ఫ్యాన్స్ కామెంట్స్..!