టాలీవుడ్ స్టార్ హీరోయిన్లలో ఒకరైన సమంత చివరిగా పుష్ప సినిమాలో ఐటమ్ సాంగ్ లో కనిపించింది. ప్రస్తుతం నాలుగైదు సినిమాలను చేతిలో పెట్టుకొని బిజీ షెడ్యుల్ ని గడుపుతుంది.ముందుగా యశోద అనే సినిమాను పూర్తి చేయబోతోంది. చాలా రోజుల క్రితమే ఈ సినిమా రెగ్యులర్ షూటింగ్ మొదలైంది. చివరిదశ షూటింగులో ఉన్న ఈ సినిమాను ఆగస్టు 12వ తేదీన విడుదల చేయనున్నట్లు చిత్ర బృందం అధికారికంగా ప్రకటించింది. అయితే ఇదిలా ఉండగా తాజాగా ఈ సినిమా గురించి ఒక అప్ డేట్ వచ్చింది.యశోద సినిమాలో సమంత పాత్రకు సంబంధించి ఒక చిన్న వీడియోను వదిలారు. 
ఈ వీడియోలో సమంత హాస్పిటల్ బెడ్ నుంచి సడన్ గా లేచి చూస్తుంది. అసలు ఆమె ఎక్కడ ఉందో ఆమెకే తెలియకుండా ఉండేలా ఇంట్రెస్టింగ్ గా ఈ వీడియోని తీశారు. ఈ సినిమాలో సమంత ప్రెగ్నెన్సీ లేడీగా కనిపించనుందని కొంతమంది, మరి కొంతమందైతే నర్సు పాత్రలో నటిస్తుందని అంటున్నారు. అయితే త్వరలోనే ఈ సినిమా లో సమంత క్యారెక్టర్ పై ఓ క్లారిటీ రానుంది. లేడీ ఓరియెంటెడ్ సినిమా అయినప్పటికీ ఇందులో యాక్షన్ సన్నివేశాలు కూడా ఉన్నాయట.దీని కోసం హాలివుడ్ యాక్షన్ కొరియోగ్రాఫర్ ను కూడా తీసుకున్నారు. 
హరీ,హరీష్ అనే ఇద్దరు డైరెక్టర్లు ఈ సినిమాను రూపొందిస్తున్నారు.శ్రీదేవి మూవీస్ పతాకంపై శివలింగ కృష్ణ ప్రసాద్ ఈ సినిమాను నిర్మిస్తున్నారు. ఈ సినిమాలో వరలక్ష్మి శరత్ కుమార్, రావు రమేష్, కల్పిక గణేష్ వంటి తారలు ముఖ్య పాత్రలు పోషిస్తున్నారు. అయితే ఈ సినిమాను తెలుగులోనే కాకుండా తమిళ, మలయాళ, కన్నడ భాషల్లో కూడా రిలీజ్ చేయడానికి ప్లాన్ చేస్తున్నారు. ఈ సినిమాకి మణిశర్మ గారు సంగీతం అందిస్తున్నారు. ఈ సినిమా చేసిన తర్వాత బాలీవుడ్ లో సినిమాలు చేయబోతోంది సమంత.బాలీవుడ్ లోనే ఓ కాకుండా ఇంటర్నేషనల్ ప్రాజెక్టులో కూడా నటించబోతోంది.
ALSO READ :
ఎన్టీఆర్ అనుష్క కలిసి నటించాల్సిన ఆ క్రేజీ ప్రాజెక్ట్..మధ్యలోనే ఎందుకు ఆగిపోయిందో తెలుసా..!
సమంత పోస్ట్ కు లవ్ యూ టూ అంటూ ప్రీతమ్ కామెంట్…ఆ పిలుపుతో రిలేషన్షిప్ పై క్లారిటీ..!
