బాహుబ‌లి కుంభ‌స్థ‌లాన్ని బ‌ద్ద‌లు కొట్టిన ఆర్ఆర్ఆర్..ఫ‌స్ట్ డే క‌లెక్ష‌న్స్ ఎంతంటే..!

భారీ అంచనాల మధ్య ప్రేక్షకుల ముందుకు వచ్చిన ఆర్ఆర్ఆర్ సినిమాకు కలెక్షన్ల వర్షం కురుస్తోంది. బాహుబలి 2 సినిమా రికార్డులను ఆర్ఆర్ బద్దలు కొట్టింది. మార్చి 25న ప్రపంచవ్యాప్తంగా ఈ సినిమా విడుదలైన సంగతి తెలిసిందే. కాగా తాజాగా సినీ ట్రేడ్ విశ్లేషకుడు తరణ్ ఆదర్శ్ మొదటిరోజు కలెక్షన్ల వివరాలను వెల్లడించారు.

త‌రుణ్ ఆద‌ర్శ్ చేసిన పోస్ట్ ప్రకారం….ఆర్ఆర్ఆర్ సినిమా బాహుబలి-2 ఓపెనింగ్ రికార్డులను బద్దలు కొట్టేసింది. దాంతో ఇండియన్ సినిమా హిస్టరీ లోనే అత్యధిక ఓపెనింగ్స్ రాబట్టిన సినిమాగా రికార్డు క్రియేట్ చేసింది. ఈ సినిమా మొదటి రోజు ప్రపంచ వ్యాప్తంగా రూ. 263 కోట్ల గ్రాస్ వసూలు చేసినట్టు త‌రుణ్ ఆద‌ర్శ్ త‌న పోస్ట్ లో పేర్కొన్నారు.

ఇండియాలో రూ.156 కోట్లు వసూలు చేసినట్టు తెలిపారు. అంతేకాకుండా కేవలం అమెరికాలో రూ. 42 కోట్ల వసూళ్ల‌ను ఈ సినిమా రాబట్టింది. అదేవిధంగా ఆస్ట్రేలియా, ఇంగ్లాండ్ మరియు ఇతర దేశాలలో మరో రూ.25 కోట్ల వసూళ్లను రాబడుతోంది. ఇదిలా ఉంటే భారతదేశంలో ఆర్ఆర్ఆర్ వసూళ్లు చూసినట్లయితే ఏపీలో ఈ సినిమాకు రూ.75 కోట్ల వసూళ్లు వచ్చాయి. అంతే కాకుండా నైజాంలో రూ.27.5 కోట్ల వసూళ్లు రాబట్టింది.

ఉత్త‌రాధి రాష్ట్రాలలో ఈ సినిమాకు 25 కోట్ల వ‌సూళ్లు రాగా కర్ణాటకలో 14.5 కోట్లు, తమిళనాడులో 10 కోట్ల వ‌సూళ్ల‌ను రాబట్టింది. అంతేకాకుండా కేరళలో ఈ సినిమాకు రూ.4 కోట్ల కలెక్షన్లు వచ్చాయి. ఇక ఈ సినిమా ముందు ముందు ఎలాంటి రికార్డులను బద్దలు కొడుతుందో చూడాలి.