కొన్ని సినిమాలు ఎలాంటి అంచనాలు లేకుండా ప్రేక్షకుల ముందుకు వచ్చి బ్లాక్ బస్టర్ హిట్ లు అవుతుంటాయి. అలాంటి సినిమాలలో కాంతర కూడా ఒకటి. ఈ సినిమా కన్నడ సినిమాగా వచ్చి పాన్ ఇండియా లెవల్ బ్లాక్ బస్టర్ అయ్యింది. ఈ చిత్రంలో రిషబ్ శెట్టి హీరోగా నటించాడు. అంతే కాకుండా ఈ సినిమాకు దర్శకత్వం కూడా రిషబ్ శెట్టినే వహించాడు. కర్నాటకలోని ఓ తెగవారి సంప్రదాయం కల్చర్ ను ఆధారంగా చేసుకుని రిషబ్ శెట్టి ఈ సినిమా కథను రాసుకున్నాడు.
మొదట ఈ సినిమాను కేవలం కన్నడ లోనే విడుదల చేశారు. కానీ ఆ తరవాత సినిమాకు వచ్చిన టాక్ తో తెలుగుతో పాటూ హిందీ, తమిళ, మలయాళ భాషల్లోనూ విడుదల చేశారు. కాగా అంతటా ఈ సినిమాకు కలెక్షన్ల వర్షం కురిసింది. సినిమాకు ఖర్చు చేసిన బడ్జెట్ కేవలం రూ.16 కోట్లు కాగా భారీగా లాభాలు వచ్చాయి. మొత్తం ఈ సినిమాకు రూ.400 కోట్ల కలెక్షన్స్ వచ్చాయి. సినిమాలోని కథ పాటలు…నటన ఇలా ప్రతి ఒక్కటి ప్రేక్షకులను ఎంతగానో ఆకట్టుకున్నాయి.
ఇక ఈ సినిమాకు దర్శకుడి మరియు హీరోగా నటించిన రిషబ్ శెట్టి రెమ్యునరేషన్ తెలిస్తే అవాక్కవ్వక తప్పదు. ఈ సినిమా లో నటించడం తో పాటూ దర్శకత్వం వహించినందుకు ఆయన తీసుకున్న రెమ్యునరేషన్ కేవలం రూ.4 కోట్లే అని టాక్.
అంతే కాకుండా సినిమాకు నాలుగు వందల కోట్ల కలెక్షన్స్ వచ్చినా ఆ తరవాత కూడా రిషబ్ శెట్టికి నిర్మాతలు అదనంగా రెమ్యునరేషన్ ఇవ్వడం గానీ కాస్ట్లీ గిఫ్ట్ లు ఇవ్వడం కానీ చేయలేదని తెలుస్తోంది. ఇక రెమ్యునరేషన్ విషయం పక్కన పెడితే ఈ సినిమా తోనే రిషబ్ శెట్టి అంటే దేశవ్యాప్తంగా క్రేజ్ వచ్చింది. ఆ క్రేజ్ తో ఆయన స్టార్ హీరోలకు కథలు వినిపిస్తున్నాడు. అంతే కాకుండా ఆయన రెమ్యునరేషన్ కూడా పెంచినట్టు తెలుస్తోంది.