క్రికెట్ లో జరిగే ఏ చిన్న విషయమైన క్షణాల్లో వైరల్ గా మారుతుంది. మెల్బోర్న్ వేదికగా ఆస్ట్రేలియా – పాకిస్తాన్ టెస్ట్ మ్యాచ్ సందర్భంగా ఆసక్తికర సంఘటన చోటుచేసుకుంది. ఇది చూస్తూ వార్నర్ నవ్వు ఆపుకోలేకపోయాడు. లంచ్ ముగించుకొని ఆటగాళ్లు, ఫీల్డ్ అంపైర్ లు గ్రౌండ్ లోకి వచ్చారు. కానీ థర్డ్ అంపైర్ రీఛర్డ్ లిఫ్టులో ఇరుక్కుపోయాడు.
Advertisement
అతడి పరిస్థితిని చూస్తూ ఆసీస్ స్టార్ ఓపెనర్ డేవిడ్ వార్నర్ నవ్వు ఆపుకోలేకపోయాడు. కొన్ని నిమిషాల తర్వాత రీఛర్డ్ బయటకు రావడంతో అందరూ ఊపిరి పీల్చుకున్నారు. కెమెరామెన్ థర్డ్ అంపైర్ వైపు ఫోకస్ చేయడంతో తాను వచ్చానంటూ అంపైర్ చేయి ఉపాడు. దీనికి సంబంధించిన వీడియో వైరల్ గా మారడంతో క్రికెట్ ఫ్యాన్స్ ఫన్నీగా కామెంట్స్ చేస్తున్నారు యోవ్ చూసుకోబడల అంటూ ఫన్నీగా రిప్లై ఇస్తున్నారు. అంతకుముందు పావురాల గుంపు మైదానంలో సందడి చేసింది. మొత్తానికి ఆస్ట్రేలియా – పాకిస్తాన్ టెస్ట్ సిరీస్ లో ఇలాంటి ఫన్నీ ఇన్సిడెంట్స్ ఫ్యాన్స్ ను ఎంటర్టైన్ చేస్తున్నాయి.
ఇది ఇలా ఉండగా…. ఇరుజట్ల మధ్య సాగుతున్న బాక్సింగ్ డే టెస్ట్ ఆసక్తికరంగా సాగుతోంది. షెడ్యూల్ ప్రకారం మధ్యాహ్నం 1.25 నిమిషాలకు మ్యాచ్ తిరిగి ప్రారంభం కానుండగా…. థర్డ్ అంపైర్ లిఫ్ట్ లో ఇరుక్కుపోవడంతో మ్యాచ్ ఏడు నిమిషాలు ఆలస్యంగా ప్రారంభమైంది. ఈ విషయాన్ని క్రికెట్ ఆస్ట్రేలియా ట్విట్టర్ ద్వారా వెల్లడించింది. ఇక తొలి ఇన్నింగ్స్ లో ఆస్ట్రేలియా 318 పరుగులు చేయగా…. పాకిస్తాన్ 264 పరుగులకే ఆల్ అవుట్ అయింది. 54 పరుగుల ఆదిక్యంలో రెండో ఇన్నింగ్స్ ప్రారంభించిన ఆసీస్ 16 పరుగులకే నాలుగు వికెట్లు కోల్పోయి పీకల్లోతు కష్టాల్లో పడింది. మొత్తానికి ఆసీస్, పాక్ టెస్టు మ్యాచ్ చిత్రవిచిత్రంగా సాగుతోంది.
Advertisement
మరిన్ని క్రీడల వార్తల కోసం ఇక్కడ చూడండి ! తెలుగు న్యూస్ కోసం ఇక్కడ చూడండి.
