సినిమా ఇండస్ట్రీలో హిట్లు పడాలి అంటే కొండంత టాలెంట్ తో పాటు గోరంత అదృష్టం కూడా ఉండాలి. కొన్నిసార్లు హీరోలు తమ దగ్గరకు వచ్చిన సినిమాలను వద్దని పంపిస్తే అదే సినిమా మరో హీరో చేసి బ్లాక్ బాస్టర్ అందుకుంటారు. ఆ తర్వాత ఎందుకు వదులుకున్నామా అని హీరోలు బాధపడుతుంటారు. ఇలాంటివి సినిమా ఇండస్ట్రీలో సర్వసాధారణం. ఇక ఒకప్పుడు బాలయ్య కూడా ఒక సినిమాను వదులుకున్నారు. ఆ సినిమా బ్లాక్ బస్టర్ విజయం సాధించింది. ఆ సినిమా విశేషాలు ఏంటో ఇప్పుడు తెలుసుకుందాం… మోహన్ బాబు వరుస ఫ్లాప్ లతో సతమతమవుతున్న సమయంలో దర్శకేంద్రుడు రాఘవేంద్ర రావు ను పిలిపించి తనతో ఓ సినిమా చేయాలని కోరాడు.
Advertisement
కానీ అప్పటికే రాఘవేంద్రరావు జగదేకవీరుడు అతిలోకసుందరి అనే సినిమాతో ఇండస్ట్రీ లో రికార్డులు క్రియేట్ చేశాడు. ఈ సినిమాలో చిరంజీవి హీరోగా శ్రీదేవి హీరోయిన్ గా నటించిన సంగతి తెలిసిందే. ఈ సినిమా భారీ విజయం తర్వాత రాఘవేంద్రరావు వరుస ఫ్లాపులతో ఉన్న మోహన్ బాబు తో సినిమా చేయడం హాట్ టాపిక్ గా మారింది. కొందరు ఈ సినిమా తర్వాత మోహన్ బాబు తో సినిమా చేయడం ఏంటని రాఘవేంద్రరావును హెచ్చరించారు.
Advertisement
కానీ ఆయన అవేమీ పట్టించుకోలేదు. మోహన్ బాబుతో అల్లుడుగారు సినిమాను తెరకెక్కించారు. ఈ సినిమాలో రమ్యకృష్ణ, శోభన ప్రధాన పాత్రలలో నటించారు. సెంటిమెంట్ ఓరియెంటెడ్ గా వచ్చిన ఈ సినిమా బ్లాక్ బస్టర్ గా నిలిచింది. అయితే ఈ సినిమాను మలయాళంలో మోహన్ లాల్ హీరోగా నటించిన ఓ సినిమాకు రీమేక్ గా తెరకెక్కించారు. ఈ చిత్రం అక్కడ బ్లాక్బస్టర్ అవ్వడం తో సినిమా రీమేక్ రైట్స్ ను మొదట సుహాసిని మేనేజర్ దక్కించుకున్నారు. అంతేకాకుండా ఈ కథతో బాలకృష్ణ దగ్గరకు వెళ్లారు.
కానీ బాలకృష్ణ సినిమా చేసేందుకు నిరాకరించారు. ఆ తర్వాత ఈ సినిమా కథ చేతులు మారి మోహన్ బాబు చేతికి వెళ్ళింది. మోహన్ బాబు ఈ కథను రాఘవేంద్రరావు వినిపించగా ఆయన సినిమా చేసేందుకు సిద్ధమయ్యారు. అలా బాలకృష్ణతో అనుకున్న సినిమా మోహన్ బాబు వద్దకు చేరి బ్లాక్ బస్టర్ హిట్ ను అందుకున్నాడు.
Also Read:
సౌందర్య మరణం తరువాత భర్త పరిస్థితి అంత దారుణంగా ఉందా ? ఎలా ఉన్నారంటే ?
