“మ‌న‌సంతా నువ్వే” సినిమా చైల్డ్ ఆర్టిస్ట్ గుర్తుందా..? ఇప్పుడు ఎక్క‌డ ఉంది ఏం చేస్తుందంటే..?

ఉదయ్ కిరణ్ కెరీర్ లోని సూపర్ హిట్ సినిమాలలో మనసంతా నువ్వే సినిమా కూడా ఒకటి. ఈ సినిమా బ్లాక్ బస్టర్ విజయాన్ని సొంతం చేసుకుంది. ఈ సినిమాలో ఉదయ్ కిరణ్ కు జోడిగా రీమాసేన్ హీరోయిన్ గా నటించింది. ఈ సినిమా తర్వాత ఉదయ్ కిరణ్ కు వరుస ఆఫర్లు వచ్చాయి. దాంతో ఒక్కసారిగా బిజీగా మారిపోయాడు. ఇక ఈ సినిమాలో హీరోయిన్ గా నటించిన రీమాసేన్ కూడా వ‌రుస‌ ఆఫర్లను అందుకుంది.

అయితే ఈ సినిమాలో ఉదయ్ కిరణ్ రీమాసేన్ చిన్ననాటి పాత్రలలో నటించిన చైల్డ్ ఆర్టిస్టులు కూడా తమ నటనతో ఆకట్టుకున్న సంగతి తెలిసిందే. ముఖ్యంగా రిమాసేన్ పాత్రలో నటించిన చైల్డ్ ఆర్టిస్ట్ సుహాని ప్రేక్షకులను ఎంతగానో ఆకట్టుకుంది. అప్పట్లో ఈ చిన్నారి హెయిర్ స్టైల్ చాలామందిని మెప్పించడంతో తల్లిదండ్రులు తమ అమ్మాయిలకు అలాంటి హెయిర్ స్టైల్ నే చేయించారు కూడా.

మనసంతా నువ్వే సినిమాలో తూనీగ తూనీగ పాట కూడా అప్పుడు చాలా ఫేమస్ అయ్యింది. ఈ పాటలో చైల్డ్ ఆర్టిస్ట్ సుహాని ఇచ్చిన ఎక్స్ప్రెషన్స్ ప్రేక్షకులను ఎంతగానో ఆకట్టుకున్నాయి. ఈ సినిమా తర్వాత సుహానికి కూడా మంచి అవకాశాలు వచ్చాయి. కానీ చ‌దువు డిస్ట‌బ్ అవుతుంది అనే ఉద్దేశంతో ఒకటి రెండు సినిమాలలో నటించి ఆ తర్వాత సినిమాలకు దూరమైంది. ఇక 20 ఏళ్లు దాటిన తర్వాత సుహాని హీరోయిన్ గా ఇండస్ట్రీ లోకి రీఎంట్రీ ఇచ్చింది.

టాలీవుడ్ లో దిల్ రాజు నిర్మించిన స్నేహగీతం సినిమాలో హీరోయిన్ గా నటించింది. ఈ సినిమా అనుకున్న మేర విజ‌యం సాధించ‌లేదు. ఆ తర్వాత పెద్దగా అవకాశాలు రాకపోవడంతో సినిమాల‌కు దూరం అయ్యింది. అంతే కాకుండా మోటివేషనల్ స్పీకర్ విభర్ హసిజ ను వివాహం చేసుకుంది. ప్రస్తుతం సినిమాలకు దూరంగా ఉంటూ భర్తతో హ్యాపీగా ఉంటుంది. ఇక మళ్లీ ఈ ముద్దుగుమ్మ రీ ఎంట్రీ ఇస్తుందా లేదా చూడాలి.

Also read :పిల్ల‌లు-త‌ల్లిదండ్ర‌ల మ‌ధ్య దూరం పెంచే ఐదు అంశాలు ఇవే..!